Цахим Мэдээ 05.26

Start learning AI in 2025

Keeping up with AI is hard – we get it!

That’s why over 1M professionals read Superhuman AI to stay ahead.

• Get daily AI news, tools, and tutorials

• Learn new AI skills you can use at work in 3 mins a day

• Become 10X more productive

Sign up and start mastering AI

Шинэ 7 хоногийн мэнд! Өнгөрөгч 7 хоногт болсон “Улаанбаатар марафон 2025” олон улсын гүйлтэд 41 улсын 30 мянган иргэн оролцлоо. Тус гүйлтийн  оролцогчид өмнөх жилүүдтэй адил 500м - 42 км хүртэл 7 төрөлд гүйсэн билээ. Ард Санхүүгийн Нэгдлийн хамт олон идэвхтэй оролцож бариандаа орцгоолоо. Эрүүл мэнддээ анхаарч, спортоор хичээллээрэй. 🏃🏻‍♂️

📰 Өнөөдрийн цахим мэдээгээр бид дараах мэдээг бэлтгэлээ:

• 🇲🇳 Монголын эрчим хүчний хараат бус байдлын түлхүүр – Gurvantes XXXV 🌍

• 🇺🇸Трампын тарифын түрэмгийлэл: Apple-ийн хувьцаа хүнд байдалд орлоо 📉

Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗

• 2025 оны 05 сарын 23-ны Баасан гарагийн байдлаар S&P 500 индекс -1.70% , Nasdaq 100 индекс -1.05% уналттай байсан бол энэ долоо хоногт Биткойн +3.78% , АрдКойн +1.37% тус тус өсөлттэй байлаа.

• Монголын Хөрөнгийн Бирж дээр нийт ₮3 тэрбумын арилжаа хийгдсэнээс ₮102 сая буюу 3.40%-ийг нь Ардын нээлттэй хувьцаат компаниуд бүрдүүлсэн байна.

📈 ЭДИЙН ЗАСАГ:  🇲🇳 Монголын эрчим хүчний хараат бус байдлын түлхүүр – Gurvantes XXXV 🌍

🤔 Юу болов: Сүүлийн жилүүдэд дэлхий нийт уур амьсгалын өөрчлөлт, эрчим хүчний аюулгүй байдал, тогтвортой хөгжлийн зорилтуудыг онцгойлон анхаарах болсон. Энэ чиг хандлагын тод жишээ нь Австралийн хөрөнгийн биржид бүртгэлтэй (ASX: TMK) TMK Energy компани бөгөөд Монгол Улсад хэрэгжүүлж буй “Gurvantes XXXV” төслөөрөө дамжуулан байгалийн хийн салбарт хүч түрэн гарч ирж байна. ⚡

🏢 TMK Energy компанийн ерөнхий танилцуулга

• 2007 онд үүсгэн байгуулагдсан

• Төв байр: Баруун Перт, Австрали

• ASX дээр бүртгэлтэй (TMK)

Монгол Улсад TMK Energy нь Өмнөговь аймгийн нүүрсний давхаргын метан хийн (CSG) хамгийн том төсөл болох “Gurvantes XXXV”-ийг хэрэгжүүлж байгаа бөгөөд энэ нь 8,400 км² талбайг хамарсан, стратегийн өндөр ач холбогдолтой төсөл юм.

🏔 “Gurvantes XXXV” төсөл: Монголын хийн салбарын шинэ ирээдүй

Төслийн байршил:

• Өмнөговь аймаг

• Хятадын хилээс ердөө 20 км зайд

• 150 км урт үргэлжлэх нүүрсний баялаг бүс нутаг

Бүс нутаг дахь нөөц ба зөвшөөрөл:

• 6 идэвхтэй нүүрсний уурхай

• 26 ашиглалтын тусгай зөвшөөрөл

• Олон тооны хайгуулын тусгай зөвшөөрөл

2022 оны хайгуулын үр дүнд:

• 1.2 их наяд шоо фут (2C зэрэглэлтэй) баталгаат нөөц тогтоогдсон.

• Цаашид нэмэлтээр 5.3 их наяд шоо фут (TCF) хэмжээтэй байгалийн хий байх боломжтой гэж тооцоолж байна.

Энэ нь Монгол Улсад бүртгэгдсэн хамгийн том байгалийн хийн баталгаат нөөц гэдгээрээ онцлог!

🌳 Байгаль орчин ба Засгийн газрын дэмжлэг

2024 оны зургадугаар сард Монгол Улсын Байгаль орчин, аялал жуулчлалын яам төслийн нарийвчилсан байгаль орчны үнэлгээг баталж:

2029 он хүртэл өрөмдлөг, үнэлгээний үйл ажиллагааг үргэлжлүүлэх эрхийг олгосон. Энэ нь төрөөс үзүүлсэн итгэлцэл, төслийн байгаль орчинд ээлтэй, урт хугацааны хөгжлийг баталгаажуулж байна.

🔧 Үйл ажиллагаа ба технологийн дэвшил

Lucky Fox 1–6 сорилтын цооногууд:

• Хий олборлолтын хэмжээ 2025 оны 2-р сард 9,100 м³ хүрч, өмнөх сараас 14%-иар өссөн.

• Distributed Temperature Sensing (DTS) технологийг нэвтрүүлсэн нь Монгол дахь CSG салбарын анхны өндөр түвшний хяналтын систем болж байна.

💰 Эдийн засгийн өгөөж ба орон нутгийн хамтын ажиллагаа

2025 оны нэгдүгээр сарын байдлаар: Хийн олборлолтын хэмжээ урьд оны арванхоёрдугаар сараас 3 дахин нэмэгдсэн. Энэ нь төслийн бодит эдийн засгийн өгөөж, техникийн дэвшил, менежментийн чадварыг харуулж байна.

Jens Energie LLC-тэй хамтран: 2025 оны 6-р сараас өдөрт 5,000 м³ хий нийлүүлэх цахилгаан станц барьж байна. Цаашид 15,000 м³ хүртэл тэлэх боломжтой.

⛏ “Монголын Алт” (MAK)-тай хамтран:

• MAK-ийн нүүрсний уурхайн цахилгаан хэрэгцээнд хий нийлүүлж, CSG хийн эрт үеийн арилжаалалтыг амжилттай эхлүүлж байна.

• Үйлдвэрлэлийн явцад гарч буй усыг дахин ашиглан MAK-д нийлүүлэх байгальд ээлтэй шийдлийг хэрэгжүүлж байна.

🔗 Стратегийн ач холбогдол ба экспортын боломж

• Монгол Улс одоогоор байгалийн хийн хэрэгцээгээ гадаадаас 100% хамааралтай хангаж байна.

• Gurvantes XXXV төсөл:

  Дотоодын байгалийн хийн хэрэглээг хангах.

  Эрчим хүчний хараат бус байдал бий болгох.

  Агаарын бохирдлыг бууруулах.

  Цэвэр эрчим хүчний эх үүсвэрт шилжихэд хувь нэмэр оруулах.

• 🇨🇳 Хятадын хилээс 20 км зайтай байршил нь Монголын байгалийн хийг гадаад зах зээлд гаргах томоохон экспортын боломж нээж байна.

💵 Санхүүгийн үзүүлэлт ба хөрөнгө оруулалт

• 2025 онд 2.25 сая австрали долларын нэмэлт хөрөнгө оруулалт татаж чадсан.

• Хөрөнгө оруулагчдын өндөр итгэл, дэмжлэг нь төслийн амжилтын баталгаа болж байна.

Монголын метан хийн салбарын манлайлагч

TMK Energy бол: Монгол Улсад нүүрсний давхаргын метан хий олборлох анхны бодит арилжааны төсөл. Монголын эрчим хүчний хараат бус байдал, эдийн засгийн өсөлт, цэвэр технологийн ирээдүйг тодорхойлогч стратегийн тоглогч

Эцэст байна аа… Тиймээс TMK Energy-ийн үйл ажиллагаа, хөрөнгө оруулалтын чиг хандлагыг анхааралтай ажиглах нь зөвхөн хөрөнгө оруулагчдад бус, Монголын эдийн засгийн ирээдүйг сонирхож буй хүн бүхэнд хамаатай чухал асуудал болж байна!

Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇

📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.

Холбоо барих утас: 91112677, 86035457, 95780327

📊 ХӨРӨНГИЙН ЗАХ ЗЭЭЛ: 🇺🇸Трампын тарифын түрэмгийлэл: Apple-ийн хувьцаа хүнд байдалд орлоо 📉

🤔 Юу болов? Трампын 25%-ийн тарифын сүрдүүлэг: Apple-ийн хувьцаа уналтад орлоо. 2025 оны 5-р сарын 23-нд АНУ-ын Ерөнхийлөгч Дональд Трамп мэдэгдэл хийж, хэрэв Apple компани iPhone-уудаа АНУ-д үйлдвэрлэхгүй бол 25% импортын тариф ногдуулна гэж сүрдүүлэв. Энэ мэдэгдэл нь Apple-ийн хувьцааны ханшид шууд нөлөөлж, хөрөнгө оруулагчдын дунд түгшүүр үүсгэв.

📉 Хувьцааны ханшийн уналт

Трампын мэдэгдлийн дараа Apple-ийн хувьцааны ханш 3%-иар буурч, 2025 оны 5-р сарын 23-ны өдрийн арилжааны үеэр 195.27 долларт хүртлээ уналаа.

🏭 Үйлдвэрлэлийн шилжилт ба зардлын өсөлт

Apple компани сүүлийн жилүүдэд iPhone-уудынхаа үйлдвэрлэлийг Хятадаас Энэтхэг рүү шилжүүлэх бодлого баримталж байгаа. Гэвч АНУ-д үйлдвэрлэлээ шилжүүлэх нь өндөр зардалтай бөгөөд шинжээчдийн тооцооллоор iPhone-ийн үнэ 3,500 доллар хүртэл өсөх магадлалтай байна.

🌐 Худалдааны дайн ба зах зээлийн хариу үйлдэл

Трампын тарифын бодлого нь зөвхөн Apple төдийгүй Европын холбооны бараа бүтээгдэхүүнд ч хамаарч байгаа бөгөөд 50%-ийн тариф ногдуулах боломжтой гэж мэдэгдсэн. Энэ нь АНУ болон Европын холбооны хоорондын худалдааны харилцаанд сөрөг нөлөө үзүүлж, дэлхийн зах зээлд тодорхой бус байдал үүсгэж байна.

📊 Хөрөнгө оруулагчдын болгоомжлол

Тарифын бодлого нь АНУ-ын эдийн засагт инфляцийн дарамт үүсгэж, хэрэглэгчдийн худалдан авах чадварт сөргөөр нөлөөлж болзошгүй. Хөрөнгө оруулагчид энэ байдлыг анхааралтай ажиглаж, зах зээлд болгоомжтой хандаж байна.

🤔 Эцэст нь байна аа… Трампын тарифын сүрдүүлэг нь Apple-ийн хувьцааны ханшид шууд сөрөг нөлөө үзүүлж, дэлхийн зах зээлд тодорхой бус байдал үүсгэж байна. Цаашид Apple компани үйлдвэрлэлийн стратегиа хэрхэн өөрчлөх, АНУ-ын засгийн газар тарифын бодлогоо хэрхэн хэрэгжүүлэх нь хөрөнгө оруулагчдын анхаарлын төвд байх болно.

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

🤖 Nvidia байр сууриа бэхжүүлж байна: Nvidia (NVDA) компани NVLink технологийнхоо шинэ хувилбарыг “NVLink Fusion” нэртэйгээр танилцууллаа. Энэхүү технологийг бусад чип үйлдвэрлэгч компанид санал болгож, олон чипийг холбон хүчирхэг AI систем бүтээх боломжийг олгох юм. Энэ алхам нь Nvidia-ийн AI салбар дахь давамгайллыг улам бататгаж байна.

📱 Apple үйлдвэрээ Энэтхэг рүү шилжүүлж эхэллээ: Apple (AAPL) компани АНУ-ын зах зээлд зориулсан iPhone-ий үйлдвэрлэлийг Энэтхэг рүү шилжүүлж эхэлжээ. Гэсэн ч АНУ-БНХАУ-ын шинэ тарифын гэрээ Энэтхэг дэх хөрөнгө оруулалтыг сааруулж болзошгүй гэсэн болгоомжлол үүсээд байна.

🧠 Microsoft AI-д зарцуулсан хөрөнгө оруулалтаа анхаарах боллоо: Microsoft (MSFT) энэ жил хиймэл оюун ухаанд нийт 64 тэрбум доллар зарцуулсны дараа, хөгжүүлэгчдийн хурлынхаа үеэр AI үйлчилгээний ашигт ажиллагааг нэмэгдүүлэхийг чухалчилж байна. Үүнд дотоод AI үйлчилгээгээ оновчтой болгож, гадны дата төвүүдээс хамаарал багасгах чиглэлээр анхаарч байгаа ажээ.

⚙️ Qualcomm AI-ийн дэд бүтцэд чиглэн CPU зах зээлд эргэн ирж байна: Qualcomm (QCOM) компани дата төвийн CPU зах зээлд дахин нэвтрэхээр боллоо. Шинэ чипүүд нь Nvidia (NVDA)-ийн GPU-тай уялдан ажиллах зориулалттай бөгөөд хиймэл оюуны дэд бүтцийн эрэлт хэрэгцээг байлдан дагуулахыг зорьж байна. Энэхүү санаачлагад Meta (META) болон Саудын Арабын AI компани Humain зэрэг түншүүд багтжээ.

✨ Google AI туслах шинэ апп нээлээ: Google (GOOGL) компани NotebookLM нэртэй шинэ мобайл апп-аа Android болон iOS төхөөрөмжүүдэд танилцууллаа. Энэхүү апп нь хиймэл оюунд суурилсан текст хураангуйлах болон аудиогоор тоймлох функцээрээ хэрэглэгчдийн хүртээмжийг улам өргөжүүлж байна.

🧐 ТА ҮҮНИЙГ МЭДЭХ ҮҮ? Анх хөрөнгийн зах зээлийн мэдээг захиа зөөж, тагтаа ашиглан дамжуулдаг байв. Тухайлбал, Ротшильдын гэр бүл Наполеоны дайны үр дүнгийн талаар хамгийн түрүүнд мэдэж, хувьцааны арилжаанд ашиглаж байжээ.

📄 Тайланг нь сонжвол: Intuit: Intuit-ийн 3-р улирлын орлого 15%-иар өсөж 7.75 тэрбум долларт хүрч (190 сая доллароор давсан), нэгж хувьцаанд ногдох ашиг (EPS) 11.65 доллар болж (0.74 доллароор давсан). Энэхүү хүчирхэг үзүүлэлтүүд нь онцгой татварын улирал, Global Business Solutions-ийн 19%-ийн өсөлт, Credit Karma-ийн 31%-ийн өсөлтөөр дэмжигдсэн. QuickBooks Online 21%-иар өссөн бол TurboTax Live-д хиймэл оюун ухааны туслахууд болон хүний мэргэжилтнүүдийн дэмжлэгтэйгээр эрчимтэй хэрэглээний өсөлт үзүүлсэн байна.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️

/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор