Цахим мэдээ 09.15

In partnership with

Шинэ 7 хоногийн мэнд! АрдКойн хэрэглэгчдийн идэвх оролцоог нэмэгдүүлэх, хамтын ажиллагааг өргөжүүлэх зорилготойгоор “Түмэн Ардын тэмцээн“ албан ёсоор эхлүүлж байгааг дуулгахад таатай байна.

Энэхүү тэмцээн нь сар бүр 1.5 сая АрдКойны урамшууллын сантай бөгөөд 200,000 ардкойн 7 хоног бүр, 500,000 ардкойн сар бүрийн шилдэг оролцогчдод олгоно.

Мөн оролцогчдод зориулан “Challenge” явагдах юм. Танд амжилт хүсье!

📰 Өнөөдрийн цахим мэдээгээр бид дараах мэдээг бэлтгэлээ:

• 🧠 Alibaba AI-ийн өрсөлдөөнд тэргүүлэх байр сууриа бэхжүүлж эхэллээ 🚀

• 📈 Инфляц буурч байгаа мэт боловч дарамт хүчтэй хэвээр ⚠️

Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗

• 2025 оны 09 сарын 12-ны Баасан гарагийн байдлаар S&P 500 индекс +1.33% , Nasdaq 100 индекс +1.40% байсан бол энэ долоо хоногт Биткойн +4.30 , АрдКойн +14.11% тус тус өсөлттэй байлаа.

• Монголын Хөрөнгийн Бирж дээр нийт ₮3,3 тэрбум төгрөгийн арилжаа хийгдсэнээс ₮58 сая буюу 1.77%-ийг нь Ардын нээлттэй хувьцаат компаниуд бүрдүүлсэн байна.

📈 ХӨРӨНГИЙН ЗАХ ЗЭЭЛ: 🧠 Alibaba AI-ийн өрсөлдөөнд тэргүүлэх
байр сууриа бэхжүүлж эхэллээ 🚀

🤔 Юу болов? Alibaba Group Хонг Конгын бирж дээрх хувьцаа нь 7% гаруй өсөлт үзүүлж, 2025 оны өсөлтөө нийтдээ 80%-иас давуулан өслөө. Энэ өсөлтийн гол хөдөлгөгч нь компанийн зарласан шинэ хиймэл оюун (AI) санаачилгууд байлаа.

💡 Хөрөнгө оруулагчдад үзүүлэх нөлөө

Хөрөнгө оруулагчид Alibaba-г зөвхөн цахим худалдааны аварга гэхээс илүүтэйгээр, Хятадын хурдтай өргөжиж буй AI салбарт тэргүүлэгч байр суурь эзэлж чадна гэсэн хүлээлтээр үнэлж байна. Шинжээчдийн үзэж байгаагаар, AI-ийн технологийг Alibaba-гийн одоогийн экосистемд (e-commerce, cloud, digital finance) нэвтрүүлэх нь урт хугацаанд орлогын шинэ эх үүсвэр бий болгож, компанийн бизнесийг төрөлжүүлэх гол түлхүүр болно.

⚔️ Зах зээл ба өрсөлдөөн

Хятадын технологийн компаниуд AI салбарт идэвхтэй өрсөлдөж байгаа энэ үед Alibaba-гийн шинэ алхам нь Tencent, Baidu, ByteDance зэрэг аваргуудын дунд бодит өрсөлдөөний шинэ шат эхлүүлж буй дохио боллоо. Зах зээлийн мэргэжилтнүүдийн хэлж буйгаар, AI хөгжүүлэлтийн хурдтай өрсөлдөөнд Alibaba-гийн эхлүүлсэн санаачилга нь зах зээлд байр сууриа баталгаажуулах стратегийн ач холбогдолтой гэж дүгнэж байна.

• ✨ Эцэст нь байна аа… Alibaba-гийн хувьцааны огцом өсөлт нь зөвхөн богино хугацааны мэдээний хариу биш, харин компанийн урт хугацааны өсөлтийн боломжийг зах зээл хүлээн зөвшөөрч буй илэрхийлэл юм. Энэ нь хөрөнгө оруулагчдын хувьд AI-ийн өрсөлдөөнд оролцох томоохон боломжийн нэг болж, Хятадын технологийн ирээдүйд итгэл нэмсэн дохио өгч байна.

📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.

Холбоо барих утас: 91112677, 86035457, 95780327

📈 ЭДИЙН ЗАСАГ: 📈 Инфляц буурч байгаа мэт боловч дарамт хүчтэй хэвээр ⚠️

🤔 Юу болов? АНУ-ын инфляцын түвшин 8-р сард хурдасч, жилийн дүнгээр 2.9% болж өссөн нь 2025 оны хувьд хамгийн өндөр үзүүлэлт боллоо. Үндсэн инфляц (core inflation) ч мөн адил 3.1%-д хүрч, зах зээлийн таамагтай таарсан дүн гарсан байна. Энэ нь хэрэглээний үнэ тогтворжиж байгаа мэт харагдаж байсан нөхцөл байдлын дараа дахин өсөлтийн дарамт үүсэж буйг илтгэв.

📊 Инфляцын үзүүлэлтүүд

• Headline inflation: 2.9% Y/Y → Сүүлийн зургаан сарын хамгийн өндөр түвшин.

• Core inflation: 3.1% Y/Y → Тээвэр, хүнсийг хасаад суурь үнийн өсөлт өндөр хэвээр байна.

• Forecast: Аль аль нь шинжээчдийн таамагтай нийцэв.

Эдгээр үзүүлэлт нь инфляц богино хугацаанд саарсан ч зарим салбарт (жишээ нь орон сууцны түрээс, үйлчилгээ) үнэ тогтвортой өссөөр байгааг харуулж байна.

💬 Шинжээчдийн байр суурь

Эдийн засагчид “2.9%-ийн headline инфляц нь зах зээлд эерэг дохио өгч байгаа ч core инфляц 3.1% хэвээр байгаа нь мөнгөний бодлого зөөлрөхөд бэрхшээлтэй байгааг илтгэж байна” гэж онцолжээ. Өөрөөр хэлбэл, инфляц буурч байгаа мэт харагдавч суурь үнийн дарамт хүчтэй хэвээр байна гэсэн үг.

🏦 Холбооны Нөөцийн Сан ба мөнгөний бодлого

Эдгээр тоон үзүүлэлтүүд нь Fed-ийн бодлогын хувьд хоёрдмол нөхцөл байдал үүсгэж байна. Нэг талаас headline инфляц хүлээлтээс гажсангүй, нөгөө талаас core инфляцын өсөлт нь хүүг бууруулах шийдвэрийг удаашруулах эрсдэлтэй. Зах зээлийн оролцогчид ойрын саруудад Fed болгоомжтой байр сууриа хадгалж, 2025 оны төгсгөл хүртэл “өндөр хүү – урт хугацаанд” гэсэн бодлогоо үргэлжлүүлэх магадлал өндөр гэж үзэж байна. 📈

⚔️ Зах зээл ба инфляц

АНУ-ын инфляц наймдугаар сард хурдасч, жилийн дүнгээр 2.9% хүрсэн нь 2025 оны хувьд хамгийн өндөр түвшин болж, зах зээлд тодорхой дохио өглөө. Үндсэн инфляц (core inflation) ч 3.1% болж, таамагтай тэнцсэнээр үнэ өсөлтийн дарамт эдийн засгийн гол сегментүүдэд тогтвортой байсаар байгааг харуулж байна.

Энэ өсөлт нь орон сууцны түрээс, үйлчилгээний салбарын тогтмол үнийн дарамт, мөн эрүүл мэндийн зардлын өсөлттэй холбоотой гэж шинжээчид тайлбарлаж байна. Харин эрчим хүч болон хүнсний үнийн бууралт headline инфляцыг арай сааруулсан ч, суурь инфляц өндөр хэвээр байгаагаас харахад бодит өрсөлдөөнөөс илүү structural хүчин зүйлс нөлөөлж байна.

💁🏻‍♂️ Эцэст нь байна аа… Эдгээр үзүүлэлт нь инфляц буурч байгаа мэт харагдсан ч суурь дарамт хэвээр байгаагийн томоохон баталгаа болж байна. Үүний улмаас Холбооны Нөөцийн Сан (Fed) инфляцыг бүрэн хяналтдаа авах хүртлээ “өндөр хүү урт хугацаанд” гэсэн бодлогоо хадгалах магадлалтай.

Хөрөнгө оруулагчдын хувьд энэ нь богино хугацаанд зах зээлд савлагаа нэмэгдүүлэх ч, урт хугацаанд тогтвортой үнэ тогтоц бий болгох боломжтой гэж үзэж байна. Өөрөөр хэлбэл, инфляцын өсөлт нь зах зээлийг “тэвчээртэй хөрөнгө оруулагч”-ийг ялгах сорилт болж байна.

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

💰Технологийн аваргууд 420 тэрбум доллароор тэлэв: Өнгөрсөн долоо хоногт АНУ-ын шүүх Google-ийг Chrome-оос салгахгүй байхаар шийдсэний дараа Alphabet (GOOGL), Apple хоёр өсөлт үзүүлсэн бол Broadcom нь OpenAI-тай 10 тэрбум долларын AI чипийн хэлцэл хийх тухай мэдээллээс үүдэн огцом өсөв. АНУ-ын хамгийн том найман технологийн компанийн нийт зах зээлийн үнэлгээ одоо 21 их наяд долларт хүрч, S&P 500-ийн 36%-ийг бүрдүүлж байна.

📊 AppLovin ба Robinhood S&P 500-д нэгдлээ: AppLovin (APP) болон Robinhood (HOOD) нь есдүгээр сарын 22-нд S&P 500 индексэд багтах бөгөөд тэдгээрийн оронд MarketAxess (MKTX) болон Caesars Entertainment (CZR) хасагдана. Энэхүү мэдээ гарсны дараа хоёр компанийн хувьцаа ойролцоогоор 7%-иар өсөв.

🇨🇳 Хятадын экспорт наймдугаар сард буурав: Хятадын АНУ руу хийсэн экспорт наймдугаар сард 33%-иар унаж, нийт экспортын өсөлтийг 4.4%-д хүргэсэн нь сүүлийн зургаан сарын хамгийн сул түвшин боллоо. Импорт ердөө 1.3%-иар өссөн бөгөөд Трампын тариф болон дахин чиглүүлсэн тээврийг чангатгасан хяналт АНУ руу чиглэсэн худалдаанд дарамт үзүүлэв.

🏥 Ажил олгогчийн эрүүл мэндийн даатгалын зардал өсөв: АНУ-ын компаниуд сүүлийн 15 жилд тохиогоогүй эрүүл мэндийн даатгалын хамгийн огцом нэмэгдэлтэй нүүр тулж байна. 2026 онд зардал ойролцоогоор 9.5%-иар өсөхөөр таамаглагдаж байгаа бөгөөд үүнийг инфляц, өндөр өртөгтэй эм бэлдмэл, эмчилгээний эрэлт нэмэгдсэн нь хөдөлгөж байна.

☁️ Oracle ба OpenAI гэрээ байгууллаа: Түүхэн дэх хамгийн том үүлэн тооцооллын гэрээнүүдийн нэгээр OpenAI нь ирэх 5 жилийн хугацаанд Oracle-оос нийт 300 тэрбум долларын тооцооллын хүчин чадал худалдан авахаар болов. Энэ мэдээний дараа Oracle-ийн хувьцаа өмнө долоо хоногт 22.31%-иар өсөж, 1992 оноос хойших хамгийн өндөр нэг өдрийн өсөлтөө үзүүллээ.

🧐 ТА ҮҮНИЙГ МЭДЭХ ҮҮ? Долларын хамгийн том хуурамч арилжаа

Дэлхийн II дайны үед Нацист Герман 134 сая фунт стерлинг хуурамчаар хэвлэж, Британий санхүүг доройтуулах гэж оролдсон нь түүхэн дэх хамгийн том валютын хуурамч арилжаа хийгдэж байсан.

📄 Тайланг нь сонжвол: 🎨 Adobe: AI-ийн хурдасгал

Adobe-ийн III улирлын орлого жилийн дүнгээр 11%-иар өсөж 6.0 тэрбум долларт хүрсэн нь хүлээлтээс 80 сая доллароор илүү байв. Нэгж хувьцаанд ноогдох ашгийн (EPS) таамаг 5.31 доллар байсан ба 0.13 доллароор давууллаа. Энэ нь компанийн AI стратегийн талаарх эргэлзээнд өгсөн тодорхой хариулт боллоо.

Удирдлагууд жилийн орлогын таамгаа дараалсан хоёр дахь улиралдаа 100 сая доллароос дээшээр нэмэгдүүлж, дундаж нь 23.7 тэрбум долларт хүрэв. RPO (гэрээгээр баталгаажсан ирээдүйн орлого) жилийн дүнгээр 13%-иар (II улирлын 10%-иас өссөн) нэмэгдэж, 20.4 тэрбум долларт хүрсэн бөгөөд үүний 67% нь дараагийн 12 сард хөрвөхөөр байна. Үндсэн Digital Media сегмент 12%-иар өсөж 4.5 тэрбум доллар болсон бол Digital Experience 9%-иар өсөж 1.5 тэрбум долларт хүрлээ.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️

ТА ДООРХ ЛИНКИЙГ БУСАДТАЙ ХУВААЛЦАЖ ARDNEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор

Receive Honest News Today

Join over 4 million Americans who start their day with 1440 – your daily digest for unbiased, fact-centric news. From politics to sports, we cover it all by analyzing over 100 sources. Our concise, 5-minute read lands in your inbox each morning at no cost. Experience news without the noise; let 1440 help you make up your own mind. Sign up now and invite your friends and family to be part of the informed.

Sign up today!