Цахим мэдээ 06.21

Шинэ 7 хоногийн мэнд ээ! Өнөөдрийн цахим мэдээгээр бид дараах мэдээг бэлтгэлээ:

• 🚀Энэтхэг Улсын хөрөнгийн зах зээлийн өсөлт Хятад Улсынхыг хол хаяж явна.

• 🤔Дэлхийн хөрөнгийн зах зээлийг тоймлон хүргэвэл

Шинэ долоо хоногийг эрч хүчтэй эхлүүлээрэй! 😁 

• 2024 оны 6 сарын 14-ны Баасан гарагийн байдлаар S&P 500 индекс +0.58%, Nasdaq 100 индекс +0.17%-ийн тус тус өсөлттэй байсан бол крипто өнгөрсөн 7 хоногт -2.85%-ийн уналттай хаагджээ.

• Монголын Хөрөнгийн Бирж дээр нийт ₮3.9 тэрбумын арилжаа хийгдсэнээс ₮150.9 сая буюу 3.86%-ийг нь Ардын нээлттэй хувьцаат компаниуд бүрдүүлсэн байна.

ХӨРӨНГИЙН ЗАХ ЗЭЭЛ: 🚀ЭНЭТХЭГ УЛСЫН ХӨРӨНГИЙН ЗАХ ЗЭЭЛИЙН ӨСӨЛТ ХЯТАД УЛСЫНХЫГ ХОЛ ХАЯЖ ЯВНА

📢Хүчтэй ашгийн өсөлт, геополитикийн ширүүн салхи холуур, хүн ам зүйн таатай нөхцөл байдал эдийн засгийн өсөлт нь тус улсад хөрөнгө оруулагчдыг татсаар л... 2019 оны эцсээс одоог хүртэл MSCI Энэтхэгийн индекс 110 хувиар өсөж, АНУ-ын технологийн компаниудын индексийн 99 хувийн өсөлтийг давсан үр дүнг үзүүлжээ. Хамгийн гайхмаар зүйл нь БНХАУ улс нь дэлхийн хамгийн хурдан хөгжиж буй хөрөнгийн зах зээлтэй улс орны тоонд ордог ба Хятадын MSCI индекс 2019 оноос хойш 30 хувийн уналтыг үзүүлээд байна. Тэгвэл Азийн хөгжингүй 2 улсын хөрөнгийн захын ялгаа яагаад тэнгэр газар шиг зөрүүтэй болов?

🤔Азийн хоёр зах зээлийн ялгаа нь тэдний эдийн засгийн бодит байдлыг тусгадаг. Хятадын орон сууцны зах зээл эдийн засагт нь хүндээр туссан хэвээр байгаа бол зохицуулалтын арга хэмжээ нь тус улсын нэгэн цагт өндөр амжилтад хүрсэн технологийн компаниудыг живүүлсээр байна. Жишээлбэл, Хятадын цахим худалдааны аварга Алибаба 2020 онд оргил үедээ хүрсэн цагаасаа хойш хувьцааны ханш нь 70 хувиар унасан байна. Нөгөө талаар Энэтхэгийн зах зээл эдийн засгийн хүчтэй өсөлтийг үзүүлсээр байна. Тус улсын эдийн засаг энэ оны эхний улирлын байдлаар өмнөх оны мөн үетэй харьцуулахад 7.8 хувиар өссөн нь томоохон эдийн засагтай орнуудын дундаас хамгийн хурдацтай өссөн үзүүлэлт юм.

📊Энэ нь аж ахуйн нэгжийн орлогод нөлөөлсөн: Морган Стэнлигийн мэдээлснээр, Энэтхэгийн хөрөнгийн биржид бүртгэлтэй компаниудын цэвэр ашиг энэ оны эхний улирлын байдлаар жилийн өмнөхөөс 17 хувиар өссөн байна. Бусад хөгжингүй орнуудын нийлүүлэлтийн сүлжээгээ Хятадаас холдуулах хүсэл эрмэлзэл нь үйлдвэрлэлийн салбарт хөрөнгө оруулалтын өсөлтийг бий болгосон ба харьцангуй залуу хүн амтай Энэтхэг улсыг сонгох болсон байна. Энэтхэг улсын хүн амын дундаж нас 28.6 бол Хятад улсын дундаж нас 39.5 байна.

🌍Энэтхэг, Хятадын хөрөнгийн захыг бусад улс оронтой зүйрлэвэл. Энэтхэгийнхтэй ижил өсөлттэй дэлхийн бусад томоохон хөрөнгийн зах зээл бол Nvidia, Meta, Microsoft зэрэг акул компаниудаар толгойлуулсан АНУ юм. Хятад улс эсрэгээрээ лигийн хүснэгтийн доод хэсэгт бичигдэж, удаашралтай хөгжиж буй, асар их өртэй Италитай ижил төстэй уналтыг үзүүлээд байна. Энэтхэгийн хувьцаанууд Японоос бусад Ази-Номхон далайн бүс нутгийн бусад зах зээлд ойролцоогоор 60 хувийн өндөр үнээр арилжаалагдаж байгаа ба Goldman Sachs-ийн мэдээлснээр сүүлийн таван жилд дунджаар 50 хувийн өсөлтийг үзүүлжээ.

📈Сонгуулийн нөлөө: MSCI Энэтхэгийн индекс эдийн засгийн шинэчлэгч, барууны хөрөнгө оруулагчдын дуртай Ерөнхий сайд Нарендра Модиг зах зээлийн хүсэн хүлээж байсан парламентын олонхыг авч чадахгүй байж магадгүй гэсэн таамаглалын араас 6 сарын 4нд 6 хувиар унасан бол Модигийн нам холбоотнуудтайгаа хамт засгийн эрхэнд үлдэж чадсанаар зах зээл эргэн сэргэж, гаднын хөрөнгө оруулагчдын цуваа нэмэгдсээр байна.

📋Эцэст нь: Энэтхэг бол дэлхийн хөрөнгө оруулагчдын үл тоомсорлохын аргагүй зах зээл болж байна. MSCI хөгжиж буй зах зээлийн жишиг индекстэй Энэтхэгийн эзлэх хувийг нэмэгдүүлж, Хятадынхыг бууруулсан байна. Өөрөөр хэлбэл Энэтхэг 2020 онд ердөө 8 хувийг эзэлдэг байсан бол одоо 18 орчим хувь болж байгаа бол Хятадын эзлэх хувь 40 хувиас 27 хувь болж буурсан гэж Northern Trust мэдээлэв. Энэтхэгийг "дараагийн Хятад" гэж нэрлэдэг нь үнэний ортойг хөрөнгийн зах зээлийн өсөлтөөс харж болохоор байна.

Та тогтмол, өндөр өгөөжтэй хөрөнгө оруулалт сонирхож байвал доорх холбоосоор орж, мэдээллээ үлдээнэ үү. Бид тантай тун удахгүй эргэн холбогдох болно.

Холбоо барих утас: 96407073, 86035457

ХӨРӨНГИЙН ЗАХ ЗЭЭЛ: 🤔ХӨРӨНГИЙН ЗАХ ЗЭЭЛИЙГ ТОЙМЛОН ХҮРГЭВЭЛ

👀Индексүүдийн хөдөлгөөн: Өнгөрсөн долоо хоногийн технологийн акул компани болох NVIDIA-ийн тусламжтай S&P 500 индекс 11 сараас хойш 8 дахь удаагаа өөрийн хамгийн дээд ханшийг тогтоов. Хиймэл оюун ухааны арилжаа нь S&P 500 индексийг 0.3 хувиар өсгөхөд тусалсан бол өдрийн турш бага зэргийн өсөлт, алдагдал хоёрын хооронд хэлбэлзсэний дараа Nasdaq 100 болон Dow Jones 30 өсөлттэй хаахад нөлөө үзүүлсэн байна.

🤔Хөрөнгө оруулагчид АНУ-ын эдийн засаг аажмаар буурч байгаа инфляц болон өндөр хүүтэй хэвээр байгаа талаарх мэдээллийг задлан шинжилж байгаатай холбогдуулан сүүлийн долоо хоногт зах зээл онцгой тайван байлаа. Мягмар гарагт гарсан шинэ тайлангууд холимог дохиог өгч, тавдугаар сарын жижиглэнгийн борлуулалт тооцоолж байснаас бага хэмжээгээр өсөж, үйлдвэрлэлийн үйлдвэрлэл нэмэгдсэн байна.

🤫Холбооны нөөцийн сан үнийн дарамт аажмаар буурч байна гэж үзэж, энэ оны сүүлээр хүүг нэг удаа бууруулахаар төлөвлөж байгаагаа мэдэгдсэн хэдий ч Бостоны Холбооны Нөөцийн Ерөнхийлөгч Сюзан Коллинз "Бид нэг эсвэл хоёр сарын ирээдүйтэй мэдээнд хэт их хариу үйлдэл үзүүлэх ёсгүй" гэж хэлсэн ба тухайн үеийн эдийн нөхцөл байдлаас шалтгаална хэмээжээ.

⌛Nvidia одоо дэлхийн хамгийн үнэ цэнтэй компани юм. Мягмар гарагт Nvidia 3.5 хувийн өсөлттэй тэргүүлж, анх удаа АНУ-ын хамгийн үнэ цэнтэй хөрөнгийн биржид бүртгэлтэй Microsoft-ийн өмнө хаагдсан байна. Хөрөнгө оруулагчид хиймэл оюун ухаант чип үйлдвэрлэгчийг 3.34 их наяд доллароор үнэлж байгаа ба AI-ийн өсөлт нь салбарын дата төвийн чипийн зах зээлийн 80 орчим хувийг эзэмшдэг Nvidia-г шинэ өндөрлөгт хүргэж, хөрөнгө оруулагчид болон Гүйцэтгэх захирал Женсен Хуанг баяжуулжээ. Хуан хоёр жил хүрэхгүй хугацаанд хөрөнгөө бараг 100 тэрбум доллароор нэмсэн нь 6 сарын байдлаар дэлхийн хамгийн баян хүмүүсийн жагсаалтын 13т бичигдэж байна.

📈Нефтийн зах зээл дээр АНУ-ын түүхий нефтийн үнэ баррель нь 81.57 долларт хүрч, 6 сарын эхэн үеэс сэргэж эхэлсэн. Уоррен Баффетийн Berkshire Hathaway газрын тосны компанийн 2.9 сая орчим нэмэлт хувьцааг авсны дараа Occidental Petroleum 1.8 хувиар өссөн байна.

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

🔥ОРОС, ХОЙД СОЛОНГОС ХОЁР БИЕ БИЕНЭЭ ХАМГААЛАХ ГЭРЭЭНД ГАРЫН ҮСЭГ ЗУРАВ: Орос, Хойд Солонгос хоёр бие биенээ хамгаалах гэрээнд гарын үсэг зурав. ОХУ-ын Ерөнхийлөгч В.Путин Хойд Солонгост айлчилсан бөгөөд улам бүр тусгаарлагдаж буй хоёр улс аль нэгнийх нь эсрэг “түрэмгийлэл” үйлдсэн тохиолдолд бие биедээ туслахаар тохиролцов. Хэдийгээр тэдний харилцааг чангатгах зорилгоор хийсэн томоохон хэлэлцээрийн талаар бүрэн мэдээлэл өгөөгүй ч энэ нь хүйтэн дайнаас хойших хоёр орны хамгийн хүчтэй хамтын ажиллагааг илэрхийлж магадгүй гэж мэдээлэв.

📢”УЛААНБААТАР БОНД”-ЫН АНХДАГЧ ЗАХ ЗЭЭЛИЙН АРИЛЖААГ НЭЭХ ЦАН ЦОХИХ ЁСЛОЛ ЗОХИОН БАЙГУУЛАГДЛАА: Монгол улсын хамгийн анхны орон нутгийн өрийн хэрэгсэл болох Нийслэл хотын олон нийтэд санал болгон гаргаж буй “Улаанбаатар бонд”-ын анхдагч зах зээлийн арилжааг нээх цан цохих ёслол 2024 оны 6-р сарын 20-ны өдөр зохион байгуулагдлаа.

🏥ЯПОНД ИНФЛЯЦ НЭМЭГДЭЖ, ЯПОНЫ ТӨВ БАНК ХҮҮГЭЭ ӨСГӨХ НАЙДВАРЫГ НЭМЖ БАЙНА: Япон улсын хэрэглээний инфляц 5 сард өссөн нь Японы Төв банк бодлогын хүүгийн өсөлтийн талаарх зах зээлийн хүлээлтийг нэмэгдүүллээ.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 📅

ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор