Цахим мэдээ 03.31

In partnership with

Шинэ 7 хоногийн мэнд ээ! АНУ-ын хөрөнгийн зах зээлд өнгөрөгч баасан гарагт 1.25 их наяд доллар S&P 500 индексээс гарлаа. Энэ нь хөрөнгө оруулагчдын итгэлд сөргөөр нөлөөлж байна. Уналтын дараа хөрөнгийн зах зээл хэрхэн сэргэлт хийх нь анхаарлын төвд байна.

📰 Өнөөдрийн цахим мэдээгээр бид дараах мэдээг бэлтгэлээ:

• 🇺🇸 АНУ-ын хөрөнгийн зах зээлээс 1.25 их наяд доллар арчигдав 📈

• 🇺🇸 АНУ нэг өдөрт 5 тэрбум долларын “Алтан карт” виз борлууллаа 💳💰

Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗

• 2025 оны 03 сарын 28-ны Баасан гарагийн байдлаар S&P 500 индекс -2.40% , Nasdaq 100 индекс -3.79%-ийн тус тус уналттай байсан бол энэ долоо хоногт биткойн -1.11% , АрдКойн -1.88% уналттай байлаа.

• Монголын Хөрөнгийн Бирж дээр нийт ₮2,8 тэрбумын арилжаа хийгдсэнээс ₮105 сая буюу 3.67%-ийг нь Ардын нээлттэй хувьцаат компаниуд бүрдүүлсэн байна.

📊 ХӨРӨНГИЙН ЗАХ ЗЭЭЛ: 🇺🇸 АНУ-ын хөрөнгийн зах зээлээс 1.25 их наяд доллар арчигдав 📈

🙄 Юу болов: АНУ-ын хөрөнгийн зах зээл огцом уналттай өнгөрөгч баасан гаргийг өндөрлүүллээ. Нийтдээ 1.25 их наяд долларын үнэлгээ зах зээлээс арчигдсан нь хөрөнгө оруулагчдын дунд түгшүүр үүсгэж, дэлхийн санхүүгийн орчинд доргилт өглөө.

📊 Гол индексүүдийн гүйцэтгэл:

• S&P 500: -1.97% → 5,580.94

• Nasdaq Composite: -2.7% → 19,281.40

• Dow Jones Industrial Average: -1.69% → 41,583.90

🛢️ Салбаруудын гүйцэтгэлээрх нь хуваан аншилан авч үзвэл:

•  Эрчим хүч: Exxon Mobil (+9.5%), Chevron (+15%) – газрын тосны үнэ өсөлттэй холбоотой.

• Эрүүл мэнд: Eli Lilly (+6.5%), UnitedHealth (+2%) – хамгаалалтын чанартай хөрөнгөд хандах сонирхол нэмэгдэв.

• Технологи: Nvidia (-3.7%), Apple (-0.7%) – өндөр өсөлттэй хувьцаанууд эрсдэлтэйд тооцогдов.

📌 Уналтын гол шалтгаанууд: АНУ-ын Хувийн хэрэглээний зарцуулалтын индекс (PCE) — Холбооны Нөөцийн Сан (FED)-ийн хамгийн ойроос ажигладаг инфляцийн хэмжүүр — хоёрдугаар сард жилийн 2.8%-иар өссөн нь зах зээлийн хүлээлтээс өндөр байв. Үүний зэрэгцээ “цөм” инфляци (хүнс, эрчим хүчийг хассан үзүүлэлт) 2.5%-д хүрсэн нь мөн л FED-ийн зорилтот 2%-ийн түвшнээс өндөр хэвээр байна. Энэ нь FED-ийн хүү бууруулах шийдвэр удаашрах эрсдэлтэйг илэрхийлж, хөрөнгө оруулагчдыг болгоомжлоход хүргэсэн.

Мөн Тарифын тодорхойгүй байдал хөрөнгө оруулагчдыг сандаргав. АНУ-ын Ерөнхийлөгч Дональд Трамп гадаадын автомашин болон сэлбэгүүдэд 25%-ийн тариф оноохоор төлөвлөж байгаагаа мэдэгдсэн нь худалдааны дайн дахин өрнөх вий гэсэн болгоомжлолыг зах зээлд бий болголоо. Хятадын зүгээс хариу арга хэмжээ авах магадлалтай хэмээн судлаачид үзэж байгаа бөгөөд энэ нь хоёр улсын худалдааны харилцаанд дахин дарамт үүсгэж болзошгүй.

📉 Үүний улмаас автомашин, аж үйлдвэрийн компаниудын хувьцаа уналттай болов. Жишээлбэл, General Motors -1.1%, Ford -1.8% буурав.

🥲 Хамгийн том айдас Технологийн уналт: Технологийн салбарын томоохон компаниудын хувьцаа зах зээлийн өмнө өвдөг сөхрөөд байна уу даа?

• Nvidia -3.7%

• Meta Platforms -4.1%

• Amazon -3.6%

🙄 Технологийн компаниуд ихэнхдээ өсөлтөд суурилсан үнэлгээтэй тул хүүгийн түвшин өндөр хэвээр байвал илүү хүнд дарамттай үлддэг нь зах зээлийн хууль юм даа.

Алтны ханш түүхэн дээд түвшинд хүрэв:

Хөрөнгө оруулагчид аюулгүй хөрөнгө рүү шилжиж байгаа нь тодорхой байна. Алтны үнэ 0.8%-иар өсч, унц нь 3,086.21 долларт хүрсэн нь түүхэн дээд амжилт боллоо.

Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇

📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.

Холбоо барих утас: 91112677, 86035457, 95780327

📈 ЭДИЙН ЗАСАГ: 🇺🇸 АНУ НЭГ ӨДӨРТ 5 ТЭРБУМ ДОЛЛАРЫН “АЛТАН КАРТ” ВИЗ БОРЛУУЛЛАА 💳💰

🇺🇸 Юу ярих вэ гэвэл: 3-р сарын 21-нд АНУ-ын засгийн газрын Худалдааны нарийн бичгийн дарга Ховард Латник мэдэгдэхдээ, “Алтан карт” визийн хөтөлбөрийн хүрээнд нэг өдрийн дотор 1,000 визийг тус бүр 5 сая доллароор амжилттай борлуулсан тухай онцолжээ.

📈 Үүний үр дүнд АНУ нэг өдрийн дотор 5 тэрбум долларын орлого олсон нь анхаарал татахуйц эдийн засгийн үйл явдал боллоо.

🪪 “Алтан карт” гэж юу вэ?

“Алтан карт” виз нь АНУ-д байнгын оршин суух эрхтэй болох, цаашлаад иргэншил авах боломжийг олгодог шинэ төрлийн визийн хөтөлбөр юм. Нэг картыг авахын тулд гадаадын иргэд АНУ-ын засгийн газарт 5 сая долларын шууд төлбөр төлөх шаардлагатай юм.

📌 Энэ хөтөлбөр нь өмнөх EB-5 визийн (1 сая долларын хөрөнгө оруулалт + 10 ажлын байр бий болгох) хөтөлбөрөөс илүү хурдан бөгөөд ойлгомжтой хэмээн тодорхойлогдож байна.

📊 Эдийн засагт үзүүлэх нөлөө: Ерөнхийлөгч Дональд Трамп хэлэхдээ “Бид 1 сая “Алтан карт” визийг борлуулснаар 5 тэрбум доллар босгосон энэ нь улсын өрийг бүрэн төлөх зорилготой” хэмээн мэдэгдсэн байна.

Худалдааны нарийн бичгийн дарга Латникийн мэдээлснээр дэлхий дээр 37 сая хүн энэ визийг авах чадвартай гэж тооцоолсон байна.

💁🏻‍♂️ Хөтөлбөрийн зорилго болон давуу тал юу вэ?

1. АНУ-ын өрийн дарамтыг бууруулах

2. Гадаадын хөрөнгө оруулалтыг татах

3. Эдийн засгийн урсгалыг шууд нэмэгдүүлэх

“Алтан карт”-ын давуу талууд

• Байнгын оршин суух эрх

• Иргэншил авах боломж (сонголтоор)

• Татварын давуу байдал (зөвхөн АНУ дахь орлогод татвар ногдоно)

⚠️ Шүүмжлэл ба болгоомжлол

🔎 Зарим шинжээчид энэхүү хөтөлбөр нь иргэншлийг худалдаж авдаг хэлбэр болон хувирах эрсдэлтэй гэж үзэж байна.

⚖️ Авлигын эрсдэл, аюулгүй байдлын асуудлууд, шударга байдлын талаарх маргаан үүсэж магадгүй.

📉 Мөн энэ нь визийн бодлого болон иргэншил олголтын уламжлалт системд сорилт үзүүлж болзошгүй юм.

🤔 Дүгнэлт: АНУ-ын “Алтан карт” визийн хөтөлбөр нь эдийн засгийн үүднээс шинэлэг, шууд мөнгөний урсгалыг бий болгож буй ч, олон талын хууль эрх зүй, ёс зүйн асуудал дагуулж байна. Иймд энэ хөтөлбөр цаашид хэрхэн хэрэгжиж, олон улсын зүгээс ямар хариу үйлдэл үзүүлэхийг сайтар ажиглах шаардлагатай юм.

Та энэ хөтөлбөрийг дэмжиж байна уу?

🗳 Иргэншил болон оршин суух эрхийг “худалдаж авах” нь эдийн засгийн шийдэл байж чадах уу, эсвэл шударга бус алхам уу?

Мөн та бондын мэдээлэл авах бол манай сошиал хуудсанд хандахад л болно. 😊

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

🔺 GameStop-ийн хаалт ба төлөвлөгөө: GameStop (GME) компани 2024 онд 1,000 гаруй дэлгүүр хаасны дараа дахин хэд хэдэн салбараа хаахаар болсон. Мөн компанийн зүгээс бэлэн мөнгөнийхөө тодорхой хэсгийг биткойнд хөрөнгө оруулахаар төлөвлөж байна. Криптовалют руу чиглэсэн энэхүү шинэ чиг хандлага нь хувьцааны ханшийг зах зээлийн өмнөх арилжаанд 16%-иар өсгөв.

🇨🇳 Alibaba-ийн огцом өсөлт: Alibaba (BABA) компанийн хувьцаа оны эхнээс хойш бараг 60%-иар өсч, зах зээлийн үнэлгээндээ 100 тэрбум доллароос илүүг нэмсэн байна. Энэхүү өсөлт нь хиймэл оюун ухааны чиглэлд шинэчлэн анхаарах болсон, удирдлагын өөрчлөлтүүд болон Жак Ма-гийн эргэн ирэлттэй холбоотой юм.

🔶 Алт дээд хэмжээнд хүрэв: Тарифын эрсдэл болон инфляцийн талаарх болгоомжлолын улмаас хөрөнгө оруулагчид аюулгүй хөрөнгө оруулалтыг эрэлхийлж, алтан үнэ унц нь $3,086.21 хүрч түүхэн дээд түвшинд хүрлээ.

🇺🇸 Ипотекийн зээлийн хүсэлт огцом өсөв: Bank of America (BAC) 2024 оны 1-р улиралд ипотекийн зээлийн хүсэлт 80%-иар өссөн талаар мэдээллээ. Энэ нь орон сууцны нийлүүлэлт нэмэгдэж, бондын өгөөж буурсантай холбоотой. Харин UWM Holdings (UWMC) 1-р улиралд 35 тэрбум долларын зээл гаргахаар төлөвлөж, эрэлтэд нийцүүлэхийн тулд ажиллах хүчээ өргөтгөсөн байна.

🧠 ChatGPT-ийн шинэ зураг үүсгэгч: OpenAI GPT-4o загвардээр суурилсан шинэ зураг үүсгэгчийг нэвтрүүллээ. Энэхүү шинэчлэл нь нарийн төвөгтэй өгөгдлөөс илүү бодитой, нарийвчилсан зураг үүсгэх чадварыг сайжруулснаараа онцлог юм.

🧐 ТА ҮҮНИЙГ МЭДЭХ ҮҮ? 2000 оноос хойш Хятадын хөрөнгийн зах зээл эдийн засгийн өсөлт болон төрийн дэмжлэгтэйгээр хурдацтай тэлсэн. 2015 онд хувьцааны үнэ богино хугацаанд огцом өсч, дараа нь гэнэтийн уналт болсон нь олон мянган хөрөнгө оруулагчид хохирол амсахад хүргэсэн. Энэ үйл явдал дэлхийн зах зээлд түгшүүр үүсгэж, олон улсын хөрөнгө оруулагчдын итгэлд сөргөөр нөлөөлсөн.

📄 Тайланг нь сонжвол: Lululemon компани 2024 оны санхүүгийн жилээ 4-р улиралд орлогын 13%-ийн өсөлттэйгөөр хааж, нийт 3.6 тэрбум долларын борлуулалт хийсэн нь хүлээлтээс 30 сая доллароор давсан үзүүлэлт байв. Нэгж хувьцаанд ногдох ашиг (EPS) 6.14 долларт хүрч, хүлээлтээс 0.27-оор илүү гаржээ. Нийт ашгийн хэмжээ 60%-д хүрсэн байна. Олон улсын орлого өмнөх оны мөн үетэй харьцуулахад 38%-иар өссөн бол Америк тивд ердөө 7%-ийн өсөлттэй байв. Нийт борлуулалтын өсөлт 3% байсан ба үүнийг гадаадын зах зээл, тэр дундаа Хятадын эх газарт 27%-иар өссөн борлуулалт голлон дэмжжээ. Харин Америк тивд борлуулалт өөрчлөлтгүй, тогтвортой байв. Тайлант хугацааны эцэст тус компани 767 салбар дэлгүүртэй болж, 18 шинэ салбар нэмж нээсэн байна.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️

/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор

Your job called—it wants better business news

Welcome to Morning Brew—the world’s most engaging business newsletter. Seriously, we mean it.

Morning Brew’s daily email keeps professionals informed on the business news that matters, but with a twist—think jokes, pop culture, quick writeups, and anything that makes traditionally dull news actually enjoyable.

It’s 100% free—so why not give it a shot? And if you decide you’d rather stick with dry, long-winded business news, you can always unsubscribe.

Check it out