Цахим мэдээ 03.24

Хөрөнгийн зах зээлийг сонирхогч та бүхэн дээ шинэ 7 хоногийн мэнд ээ! Өмнө 7 хоногт та бидний хувьд дэлхийн зах зээлийн чиг хандлага болон эдийн засаг хааш чиглэн буйг мэдэх өдөр хоногууд болж өнгөрлөө. АНУ-ын ХНС-ийн бодлогын хүүгийн түвшин танилцуулагдсан билээ. Энэхүү мэдээний тухайг дэлгэрэнгүй уншиж танилцаарай. Шинэ 7 хоногт амжилт. 💁🏻‍♂️

📰 Өнөөдрийн цахим мэдээгээр бид дараах мэдээг бэлтгэлээ:

• 💸 Elon Musk Дэлхийн Эдийн Засгийн Чуулганд төлөх байсан 52 саяыг долларыг төлөхгүй 🚫

• 🇺🇸 АНУ-ын ХНС бодлогын хүүгээ хэвээр үлдээх шийдвэр гаргалаа 📊

Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗

• 2025 оны 03 сарын 21-ны Баасан гарагийн байдлаар S&P 500 индекс +0.08% , Nasdaq 100 индекс +1.52%-ийн тус тус өсөлттэй байсан бол энэ долоо хоногт биткойн +0.31% , АрдКойн -1.22% хэлбэлзэлтэй байлаа.

• Монголын Хөрөнгийн Бирж дээр нийт ₮3,8 тэрбумын арилжаа хийгдсэнээс ₮121 сая буюу 3.12%-ийг нь Ардын нээлттэй хувьцаат компаниуд бүрдүүлсэн байна.

📊 ХӨРӨНГИЙН ЗАХ ЗЭЭЛ: 💸 ELON MUSK ДЭЛХИЙН ЭДИЙН ЗАСГИЙН ЧУУЛГАНД ТӨЛӨХ БАЙСАН 52 САЯ ДОЛЛАРЫГ ТӨЛӨХГҮЙ 🚫

🙄 Юу болов: Сансрын технологи, цахилгаан автомашин, хиймэл оюун ухааны салбарт хувьсгал хийж буй Elon Musk энэ удаад криптовалютын ертөнцөд дахин анхаарлын төвд орлоо. Тодруулбал, тэрээр Дэлхийн Эдийн Засгийн Чуулган (WEF)–д төлөх байсан 52 сая долларын төлбөрийг зогсоосон тухай мэдээлэл цацагдлаа. Энэ нь Dogecoin (DOGE)–ийн хэрэглээ, улмаар үнэ ханшид ч анхаарал татсан үйл явдал болов. 🧨

🧾 Яагаад вэ?: Элон Маск удирдаж буй компаниуд (SpaceX, Tesla, X гэх мэт) нь олон улсын төв байгууллагуудтай стратегийн харилцаатай ажиллаж ирсэн. Харин сүүлийн үед тэрээр Дэлхийн Эдийн Засгийн Чуулгантай (WEF)холбоотой төлбөрийн ил тод байдал болон зорилгын талаарх эргэлзээтэй хандлага илэрхийлж эхэлсэн.

🗣️ Элон Маск “WEF бол дэлхий даяарх хүн амд бус, тодорхой бүлгүүдэд л ашигтай байгууллага болж хувирсан.” жиргээд амжлаа.

Тэрээр 52 сая долларын төлбөрийг Dogecoin сүлжээ ашиглан блоклосон гэж мэдээлсэн бөгөөд энэ нь крипто-платформын дээд түвшний хэрэглээний анхны тохиолдлын нэг гэж үзэж байна.

📈 DOGE-ийн үнэ хэрхэн хариу үйлдэл үзүүлсэн бэ?

Мэдээ нийтэд цацагдсаны дараа:

• DOGE/USD ханш 24 цагийн дотор 12%-иар өсч, 0.17 долларт хүрэв

• Арилжааны хэмжээ (volume) 24 цагийн дотор 2.8 тэрбум болж өссөн

• Open Interest буюу нээлттэй гэрээнүүдийн хэмжээ 18%-иар нэмэгдсэн нь сонирхогчдын анхаарал эрс нэмэгдсэнийг харуулж байна

📊 DOGE-ийн зах зээл дэх байр суурь

DOGE анх 2013 онд MEMECOIN байдлаар эхэлсэн ч Элон Маскын дэмжлэгээр бодит хэрэглээ рүү шилжсэн. Түүний нэр хүндтэй шууд хамааралтай крипто гэгдэх нь ч бий.

📌 Арилжаа эрхлэгчдэд зориулсан Takeaways:

✅ Хямд ханш дээр DOGE зэрэг хэрэглээний криптовалютуудыг авч үзэх нь хөрөнгө оруулалтын сонирхолтой боломж байж болно

⚠️ Элон Маскын мэдэгдлүүд нь DOGE ханшид шууд нөлөөлдөг учраас богино хугацааны хэлбэлзэл өндөр байдаг

Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇

📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.

Холбоо барих утас: 91112677, 86035457, 95780327

📈 ЭДИЙН ЗАСАГ: 🇺🇸 АНУ-ЫН ХНС БОДЛОГЫН ХҮҮГЭЭ ХЭВЭЭР ҮЛДЭЭХ ШИЙДВЭР ГАРГАЛАА 📊

🇺🇸 Юу ярих вэ гэвэл: АНУ-ын Холбооны Нөөцийн Сан 3-р сарын хуралдаанаараа бодлогын хүүг 4.25%–4.50%түвшинд үлдээх шийдвэр гаргалаа. Энэ нь зах зээлийн хүлээлттэй нийцсэн ч, “dot plot” буюу гишүүдийн хүлээлтийн графикаас харахад 2025 онд 2 удаа хүүг бууруулах хандлагыг илүү тодорхой болгосон нь зах зээлийн анхаарлыг татав.

📈 Инфляцийн хүлээлт нэмэгдэв:

• 2024 оны төсөөлөл: 2.4% 

• 2025 он: 2.2% ( -0.2 түвшин )

• 2026 он: 2.0% (зорилтот түвшин)

📌 Core PCE (хүнс, эрчим хүч хассан инфляц):

• 2024 он: 2.6%

• 2025 он: 2.2%

• 2026 он: 2.0%

Энэ нь инфляц буурах хандлага байгаа, эдийн засгийн эрсдэл тодорхой хэмжээнд байна гэж үзэж байгаа тул хүүг шат дараатай бууруулах бодлогыг баримтлахад анхаарна гэдгээ хэлж байна.

🗣️ Жером Пауэллийн мэдэгдлээс онцлох эшлэл: “Бодлогын хүүг эрт сулруулах нь эрсдэлтэй. Харин эдийн засгийн мөчлөгүүд тогтвортойгоор сайжирвал хүүг бууруулах алхмууд хийгдэнэ.”

📊 Зах зээл хэрхэн хүлээж авсан бэ?

• S&P 500 индекс хурлын дараа өсөлт үзүүлж, 5660 онооны түвшинг даван хаагдсан.

• Харин 10 жилийн хугацаатай бондын өгөөж бага зэргээр буурч, 4.27%-т хүрэв.

• АНУ-ын долларын индекс (DXY) бага зэрэг суларсан.

Мөн та бондын мэдээлэл авах бол манай сошиал хуудсанд хандахад л болно. 😊

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

💼 SoftBank Ampere Computing-ийг 6.5 тэрбум доллараар худалдан авна: Японы технологийн аварга SoftBank (TYO:9434) нь Arm архитектурт суурилсан чип дизайнер болох Ampere Computing-ийг 6.5 тэрбум долларын үнээр худалдан авахаар болсноо зарлалаа. Энэхүү хэлцлийн хүрээнд Carlyle Group (CG) болон Oracle (ORCL) компаниуд өөрсдийн Ampere дахь хувьцаагаа худалдах юм.

🇨🇳 Хятад улс төрийн эрхээ хадгалсаар байна: Хятад улс гол зээлийн хүүгээ хэвээр үлдээж, 1 жилийн LPR-ийг 3.1%, 5 жилийн LPR-ийг 3.6% байхаар тогтоолоо. Энэ нь АНУ-ын тарифын аюул заналын дунд эдийн засгаа дэмжих ба юанийн ханшийг тогтвортой байлгах тэнцвэрийг хадгалах зорилготой юм.

🚗 Tesla-ийн шинэ мэдээлэл: Tesla (TSLA) нь 46,000 гаруй Cybertruck автомашиныг салхины шилний хамгаалалтын бүрэлдэхүүн доголдсон шалтгаанаар эргүүлэн татлаа. Энэ нь сүүлийн 15 сарын хугацаанд тус загварын 8 дахь удаагийн эргүүлэн таталт болж байна. Энэхүү мэдээтэй зэрэгцэн, энэ сард Tesla автомашиныг сольж бусад машинд шилжих тоо дээд хэмжээнд хүрсэн талаар мэдээлжээ.

🇯🇵 Японы инфляц: Японы үндсэн инфляц 2-р сард 3% хүртэл өсч, шинжээчдийн хүлээлтээс давсан үзүүлэлттэй гарлаа. Үүний зэрэгцээ цалингийн өсөлт сүүлийн 33 жилийн дээд түвшинд хүрсэн нь хүүгийн нэмэгдлийг үргэлжлүүлэх үндэслэлийг бэхжүүлж байна.

🧐 ТА ҮҮНИЙГ МЭДЭХ ҮҮ? 1916 онд 81 насандаа Нью-Йоркт нас барж, Гиннесийн амжилтын номонд "дэлхийн хамгийн харамч хүн"-ээр бичигджээ. Тэрбээр өөрийн гэрийн үйлчлэгчтэйгээ цалинг нь бага зэрэг нэмнэ гэж маргалдсаны улмаас цус харваж нас баржээ. Хэдийгээр Хэтти харамч нэгэн байсан ч үр хүүхдүүддээ асар их хөрөнгө үлдээжээ.

📄 Тайланг нь сонжвол: Pinduoduo-ийн толгой компани болох PDD Holdings 2024 оны 4-р улирлын санхүүгийн тайландаа жилийн өмнөхтэй харьцуулахад орлогоо 24%-иар өсгөж, 15.2 тэрбум долларт хүрснээ мэдэгдлээ. Гэсэн ч энэ нь таамаглалаас 0.9 тэрбум доллараар доогуур, дараалан хоёр дахь удаагаа орлогын төлөвөө биелүүлж чадаагүй дүн боллоо. Энэ нь дотоодын өрсөлдөөн нэмэгдэж, олон улсын зах зээлийн сорилт хүчтэй байгааг харуулж байна. Цэвэр ашиг 18%-иар өсөж 3.8 тэрбум доллар, нэгж хувьцаанд ногдох ашиг (EPS) 2.76 доллар болж, хүлээлтээс 0.04 доллараар давж гарсан байна. Онлайн маркетингийн үйлчилгээний орлого 17%-иар, гүйлгээний үйлчилгээний орлого 33%-иар тус тус өссөн ч хүлээлтэд хүрсэнгүй.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️

/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор