Цахим мэдээ 03.17

Шинэ 7 хоногийн мэнд ээ! Өмнө долоо хоногийн хувьд Монгол Улсын инфляцын түвшин 2025 оны 2-р сард 9.6% гарлаа. Энэ нь өмнөх сараас өөрчлөгдөөгүй байна. Мөн дэлхийн нийтийн хэмжээнд алтны ханш 3000 долларт хүрч шинэ дээд ханшийг тогтоолоо.

📰 Өнөөдрийн цахим мэдээгээр бид дараах мэдээг бэлтгэлээ:

• 🚀  Binance крипто салбарын түүхэн томоохон хөрөнгө оруулалтыг татлаа 💰

• 🇺🇸 Трампын 2 дахь бүрэн эрхийн хугацаанд гарсан анхны инфляцын тайлан гарлаа 📉 

Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗

• 2025 оны 03 сарын 14-ны Баасан гарагийн байдлаар S&P 500 индекс -1.16% , Nasdaq 100 индекс -0.62%-ийн тус тус уналттай байсан бол энэ долоо хоногт биткойн -0.16% , АрдКойн +0.02% хэлбэлзэлтэй байлаа.

• Монголын Хөрөнгийн Бирж дээр нийт ₮3,4 тэрбумын арилжаа хийгдсэнээс ₮615 сая буюу 17.37%-ийг нь Ардын нээлттэй хувьцаат компаниуд бүрдүүлсэн байна.

📊 ХӨРӨНГИЙН ЗАХ ЗЭЭЛ: 🚀 BINANCE КРИПТО САЛБАРЫН ТҮҮХЭН ТОМООХОН ХӨРӨНГӨ ОРУУЛАЛТЫГ ТАТЛАА 💰

🙄 Юу болов: Binance крипто салбарын түүхэнд томоохон хөрөнгө оруулалтыг татаж чадлаа. Binance криптовалютын бирж Арабын Нэгдсэн Эмират улсын MGX хөрөнгө оруулалтын сангаас 2 тэрбум долларын хөрөнгө оруулалт татаж, крипто салбарт урьд өмнө хийгдэж байгаагүй хамгийн том хөрөнгө оруулалтын гүйлгээг зөвхөн криптовалютаар хийлээ. 🔥

Энэ гэрээ ямар ач холбогдолтой вэ?

1. MGX нь Binance-ийн хувьцааг эзэмших цөөнхийн хөрөнгө оруулагч болж, блокчейн болон хиймэл оюун ухааны (AI) салбарт хүчээ нэмэхээр зорьж байна.

2. Binance-ийн зах зээл дэх байр суурийг улам бэхжүүлж, хөрөнгө оруулалтын урсгалыг нэмэгдүүлэх томоохон алхам боллоо.

3. Энэхүү 2 тэрбум долларын хөрөнгө оруулалт нь крипто түүхэн дэх хамгийн том хэлцлүүдийн нэгбөгөөд санхүүжилт нь традиционал фиат мөнгөөр бус, зөвхөн криптовалютаар хийгдсэн гэдгээрээ онцлог юм.

Binance-ийн стратегийн өөрчлөлт & ирээдүйн төлөв

• Блокчейн болон AI-д суурилсан төслүүдийг дэмжих зорилгоор MGX сан мөнгө хуваарилж, Binance-ийн технологийн шинэчлэлд хувь нэмэр оруулна. 🤖

• Binance нийтийн хөрөнгө оруулагчид болон институцийн санхүүгийн урсгалыг татах шинэ боломжуудыг эрэлхийлж байгаа бөгөөд энэ нь крипто биржийн тогтвортой байдалд эерэг нөлөө үзүүлнэ.

• Блокчейн технологийн эрчимтэй хөгжлийг хурдасгах гол хөшүүрэг болох энэ хөрөнгө оруулалт крипто экосистемийн ирээдүйг тодорхойлох чухал алхам гэж мэргэжилтнүүд үзэж байна.

Крипто зах зээлд хэрхэн нөлөөлөх вэ? 📊

💎 Bitcoin (BTC) болон Ethereum (ETH) үнэ өсөх магадлалтай, учир нь томоохон хөрөнгө оруулалт зах зээлд итгэлийг нэмэгдүүлнэ.

💎 Binance-ийн зохицуулалтын бодлого улам боловсронгуй болж, дэлхийн зах зээлд илүү нээлттэй үйл ажиллагаа явуулах боломж бүрдэнэ.

💎 Крипто салбар дахь институцийн хөрөнгө оруулалт улам өсөх хандлагатай байгааг энэ хэлцэл баталж байна.

📢 MGX-ийн энэхүү хөрөнгө оруулалт нь Binance-ийн зөвхөн криптовалютаар санхүүжилт татсан анхны том хэмжээний хэлцэл бөгөөд крипто салбарын ирээдүй улам бүр бэхжиж байгааг харуулж байна!🚀🔥

Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇

📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.

Холбоо барих утас: 91112677, 86035457, 95780327

📈 ЭДИЙН ЗАСАГ: 🇺🇸 ЕРӨНХИЙЛӨГЧ ТРАМПЫН 2 ДАХЬ БҮРЭН ЭРХИЙН ХУГАЦААНД ГАРСАН АНХНЫ ИНФЛЯЦЫН ТАЙЛАН ГАРЛАА 📉

🇺🇸 Юу ярих вэ гэвэл: АНУ-ын хэрэглэгчийн үнийн индекс (CPI) 2-р сард 2.8%-д хүрч, өмнөх сарын 3.0%-аас буурлаа. Энэ нь зах зээлийн 2.9%-ийн хүлээлтээс бага гарсан нь хөрөнгө оруулагчдын анхаарлыг татаж байна.

🔍 Цөм инфляц (Core CPI, хүнс, эрчим хүч хассан) мөн 3.1%-д хүрч, 3.2%-ийн таамгаас бага гарлаа. Энэхүү инфляцын тайлан нь Ерөнхийлөгч Дональд Трампын 2 дахь бүрэн эрхийн хугацаанд гарсан анхны инфляцын тоон мэдээлэл бөгөөд АНУ-ын эдийн засгийн цаашдын чиг хандлагыг тодорхойлох чухал үзүүлэлт юм.

📊 Инфляцын гол үзүүлэлтүүд (2025 оны 2-р сар):

• Жилийн инфляц (YoY): 2.8% (Өмнөх сар: 3.0%, Хүлээлт: 2.9%)

• Цөм инфляц (Core CPI): 3.1% (Өмнөх сар: 3.3%, Хүлээлт: 3.2%)

• Сарын инфляц (MoM): 0.3% өссөн

📉 Инфляц буурсан гол шалтгаанууд:

Шатахууны үнэ тогтвортой байдалд орлоо: Газрын тосны үнэ тогтворжиж, түлшний өртөг өмнөх сараас бага өссөн. ⛽

Хүнсний үнийн өсөлт удаашрав: Хөдөө аж ахуйн нийлүүлэлт тогтвортой болж, мах, гурил зэрэг өргөн хэрэглээний бүтээгдэхүүний үнэ тогтмол байв. 🍞🥩

Түрээс, орон сууцны үнэ буурч эхэллээ: Хүүгийн өсөлтөөс үүдэлтэй орон сууцны эрэлт буурч, түрээсийн үнэ тогтвортой байв. 🏠

🏦 Холбооны Нөөцийн Сан (FED)-ийн дараагийн алхам? FED инфляцын бууралтыг анхааралтай ажиглаж байгаа бөгөөд 2025 онд бодлогын хүүг бууруулах магадлал нэмэгдэж байна.

Одоогийн бодлогын хүү одоо 5.25% - 5.50% байгаа ба зах зээлийн хүлээлтээр 2025 оны 6-р сард эхний хүүгийн бууралт болох магадлал өндөр. Хэрэв инфляц үргэлжлэн буурвал, FED 2025 онд 2-3 удаа хүүг бууруулж болзошгүй.

🗣️ FED-ийн дарга Жером Пауэлл: “Инфляцын түвшин тогтвортой буурч буй нь эерэг үзүүлэлт хэдий ч бодлогын хүүг бууруулахад илүү итгэлтэй байх шаардлагатай байна.”

📈 Хөрөнгийн зах зээлд үзүүлэх нөлөө

• S&P 500 индекс +1.2% өсөв

• Dow Jones индекс +0.8% өсөв

• Nasdaq индекс +1.5% өсөв

📌 Технологийн хувьцаанууд эерэг хариу үйлдэл үзүүлэв:

• Apple (AAPL) +1.8%

• Nvidia (NVDA) +3.1%

• Tesla (TSLA) +2.4%

📊 Бондын зах зээлд хүүгийн бууралтын хүлээлт нэмэгдэж, бондын өгөөж буурсан:

10 жилийн хугацаатай АНУ-ын бондын өгөөж 4.3%-д хүрч буурав.

🏦 FED бодлогын хүүг бууруулах магадлал нэмэгдэж, хөрөнгө оруулагчдын хүлээлт эерэг болж байна. Хөрөнгийн зах зээл өсөлттэй байгаа бөгөөд технологийн хувьцаанууд зах зээлийг тэргүүлж эхэллээ.

Мөн та бондын мэдээлэл авах бол манай сошиал хуудсанд хандахад л болно. 😊

ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.

БУСАД ТОВЧ МЭДЭЭНҮҮД

✈️ SPIRIT AIRLLINES ДАМПУУРЛААС ГАРЛАА: Spirit Airlines дампуурлаас гарч, Southwest Airlines (LUV)-тай хүчтэй өрсөлдөхөөр төлөвлөж байна. Тус компани өрөөсөө 795 сая доллар хасаж, 350 сая долларын хөрөнгө оруулалт татан төвлөрүүлсэн бөгөөд хувьцаагаа дахин биржид бүртгүүлэхээр зэхэж байна.

🎮 ТЕХНОЛОГИЙН АВАРГУУД ЦӨМИЙН ЭРЧИМ ХҮЧИЙГ ДЭМЖИН АЖИЛЛАНА: Amazon, Google, болон Meta компаниуд 2050 он гэхэд дэлхийн цөмийн эрчим хүчийг гурав дахин нэмэгдүүлэхийг дэмжих амлалт өгч, 20 гаруй засгийн газар болон томоохон санхүүгийн байгууллагуудтай нэгдлээ. Эдгээр компаниуд цөмийн эрчим хүчийг өсөн нэмэгдэж буй хиймэл оюун ухааны эрчим хүчний хэрэгцээг хангахад зайлшгүй шаардлагатай гэж үзэж байна.

🏦 КАНАДЫН БАНК ШИНЭ ГҮЙЦЭТГЭХ ЗАХИРЛАА ТОМИЛЛОО: Canadian Imperial Bank of Commerce (CM) банк Harry Culham-ыг шинэ Гүйцэтгэх захирлаар томиллоо. Тэрээр нэр бүхий 10 гаруй жилийн турш уг албан тушаалыг хашсан Victor Dodig-ийн оронд томилогдож байгаа бөгөөд Dodig ирэх 11-р сард тэтгэвэрт гарах юм. Culham нь одоогоор CIBC-ийн хөрөнгө оруулалтын зах зээлийн хэлтсийн захирал юм.

🧐 ТА ҮҮНИЙГ МЭДЭХ ҮҮ? 1980-1990 оны үед Жордан Белфорт хөрөнгө оруулалтын хууль бус үйл ажиллагаагаар ихээхэн мөнгө олж, дараа нь баривчлагдсан түүх нь дэлгэцийн бүтээл болж байжээ. Тус кино та бидний сайн “Wolf of wall street” гэх кино юм.

📄 Тайланг нь сонжвол: Adobe-ийн 2025 оны санхүүгийн жилийн 1-р улирлын орлого жилийн өмнөхөөс 10%-иар өсөж, 5.7 тэрбум долларт хүрсэн (таамагласнаас 50 сая доллараар илүү). Тус компанийн нэгж хувьцааны ашиг (EPS) 5.08 доллар болж, хүлээгдэж байснаас 0.11 доллараар өндөр гарлаа. Гол үзүүлтэд дижитал медиа салбарын жилийн давтамжтай орлого (ARR) 13%-иар өсөж, 17.6 тэрбум доллар болсон. Мөн AI суурьтай бүтээгдэхүүнүүд 125 сая долларын ARR бүрдүүлсэн ба оны эцэс гэхэд энэ үзүүлэлт хоёр дахин нэмэгдэх төлөвтэй байна. Гэсэн хэдий ч, эдгээр бүтээгдэхүүнүүд нийт ARR-ийн багахан хувийг эзэлж байна.

КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️

/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏

https://ardnews.beehiiv.com/subscribe

Хөрөнгийн зах зээлийн мэдээг 5 минутын дотор