- Ard News
- Posts
- Цахим мэдээ 03.03
Цахим мэдээ 03.03
🤖 NVIDIA-ийн орлого түүхэн амжилт бүтээлээ 📈
Шинэ 7 хоногийн мэнд ээ! Эрхэм хөрөнгө оруулагч, хувьцаа эзэмшигч, харилцагч та бүхэндээ Элдэв Эрдэнэт хэмээх Модон Могой жилдээ эрүүл энх, элбэг хангалуун, аз хийморь, амжилт бүтээлээр дүүрэн байхыг хүсэн ерөөе!
Хүчтэй. Хамтдаа.
📰 Өнөөдрийн цахим мэдээгээр бид дараах мэдээг бэлтгэлээ:
🤖 NVIDIA-ийн орлого түүхэн амжилт бүтээлээ 📈
🇺🇸 Трамп Украйны Ерөнхийлөгч Зеленскийг Цагаан ордонд хатуу шүүмжлээд авав 🇺🇦
Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗
2025 оны 02 сарын 28-ны Баасан гарагийн байдлаар S&P 500 индекс -1.20% , Nasdaq 100 индекс -3.62%-ийн тус тус уналттай байсан бол энэ долоо хоногт биткойн -12.34% , АрдКойн -1.01%-ийн уналттай байлаа.
Монголын Хөрөнгийн Бирж дээр нийт ₮2.6 тэрбумын арилжаа хийгдсэнээс ₮96 сая буюу 3.72%-ийг нь Ардын нээлттэй хувьцаат компаниуд бүрдүүлсэн байна.
📊 ХӨРӨНГИЙН ЗАХ ЗЭЭЛ: 🤖 NVIDIA-ИЙН ОРЛОГО ТҮҮХЭН АМЖИЛТ БҮТЭЭЛЭЭ 📈
Эх сурвалж: WSJ.com
🙄 Юу болов: NVIDIA-ийн орлогын түүхэн өсөлт 78%-ийн өсөлттэй 39 тэрбумын орлоготой болж, AI-ийн эрэлт шинэ түвшинд гарлаа! 💻🤖
📅 Дэлхийн хамгийн үнэ цэнтэй чип үйлдвэрлэгч болох NVIDIA 2024 оны 4-р улирлын санхүүгийн тайлангаа танилцууллаа. Тайлангаас харахад тус компани орлогоо жилийн дүнгээр 78%-иар нэмэгдүүлж, нийт орлого 39 тэрбум долларт хүргэсэн нь AI-ийн эрэлтээс үүдэлтэй түүхэн дээд амжилт байлаа.
📊 Гол Тоон Үзүүлэлтүүд:
Q4 нийт орлого: 39 тэрбум доллар (2023 оны мөн үеэс +78%)
Шинэ Blackwell платформын эхний борлуулалт: 11 тэрбум доллар (түүхэндээ хамгийн хурдан зах зээлд нэвтэрсэн бүтээгдэхүүн)
Дата төвийн орлого: 35.6 тэрбум доллар (нийт орлогын 91% AI чипээс бүрдэв)
AI чипний зах зээл дэх ноёрхол: NVIDIA AI чипүүд дэлхийн топ технологийн компаниудын дунд хамгийн эрэлттэй бүтээгдэхүүн хэвээр байна.
🔍 NVIDIA-ийн хурдтай өсөлтийн гол шалтгаанууд:
AI-ийн эрэлтийн тасралтгүй тэлэлт 🤯
Generative AI болон Foundation Model-уудын хөгжүүлэлт, томоохон компаниудын AI-д хэт төвлөрч буй байдал нь NVIDIA-ийн GPU-гийн эрэлтийг түүхэнд байгаагүй түвшинд хүргэв.
OpenAI, Microsoft, Meta, Google, Amazon зэрэг аваргууд бүгд NVIDIA-ийн чипүүдийг ашиглаж, AI дата төвүүдээ өргөтгөж байна.
Blackwell платформын түүхэн эхлэл ⚡️
2024 онд нэвтрүүлсэн Blackwell платформ нь NVIDIA-ийн түүхэнд хамгийн хурдан борлуулалттай шинэ бүтээгдэхүүн болж, эхний улиралдаа л 11 тэрбумын долларын орлого бүрдүүлжээ.
Blackwell нь өргөтгөх боломжтой архитектур, AI reasoning-д зориулсан онцгой чадваруудаараа ирэх жилүүдийн гол хөдөлгөгч хүч болох төлөвтэй.
AI-ийн шинэ үе эхэлж байна:
🗣️ Гүйцэтгэх захирал Женсен Хуанг онцлохдоо: “Одоо ашиглаж буй AI загварууд ирээдүйд хэрэгцээтэй тооцооллын хүчин чадлын ердөө 1%-ийг бүрдүүлж байгаа.” гэдгийг дурдав.
“Ирээдүйн AI reasoning загварууд одоогийнхоос 100 дахин их тооцооллын хүчин чадал шаардана гэж тооцоолж байна.”
Энэ нь зөвхөн хурдан чип бүтээх тухай биш, тооцооллын салбарт үндсэн өөрчлөлт авчрах үйл явц гэж Хуанг тодорхойлов.
📈 Хөрөнгө оруулагчдын хүлээлт ба зах зээлийн хариу үйлдэл:
NVIDIA-ийн хувьцаа тайлан гарсны дараа 3.5%-иар өсөв.
Nasdaq Composite болон S&P 500-д эерэг нөлөө үзүүлж, технологийн индексүүдийг өсгөсөн.
Хөрөнгө оруулагчид AI төслүүдийн санхүүжилт, дата төвийн хөрөнгө оруулалт, AI-ийн ирээдүйн хэрэгцээний өсөлт зэрэг хүчин зүйлсийг үнэлж, NVIDIA-ийн үнэлгээг урт хугацаандаа илүү өндөрт үнэлж эхэлжээ.
⚠️ Ирээдүйд анхаарах эрсдэлүүд:
АНУ-ын худалдааны бодлого, экспортын хязгаарлалт – Хятадад нийлүүлэх AI чипний экспортын хяналт үргэлжлэх магадлалтай.
AI өрсөлдөөн ширүүсэх эрсдэл – AMD, Intel, Google TPU, Amazon Trainium зэрэг өрсөлдөгчид шинэ бүтээгдэхүүнээ танилцуулж байгаа нь NVIDIA-ийн зах зээлийн хувь хэмжээнд нөлөөлж болзошгүй.
БНХАУ-ын дотоодын AI чип хөгжүүлэлт – Хятадын засгийн газар дотоодын GPU хөгжүүлэлтийг дэмжиж байгаа нь удаан хугацаандаа сорилт болно.
💁🏻♂️ Цаашид яах вэ: Blackwell архитектурын дараагийн үеийн чипүүдэд зориулсан олон улсын зах зээлийн өргөтгөл хийгдэнэ. AI reasoning загваруудын эрэлтэд тохирсон суперкомпьютерийн шинэ платформ хөгжүүлэлж зах зээлд нэвтрүүлэх нь тэдний ойрын зорилго болоод байна.
📢 Та NVIDIA-ийн ирээдүйг хэрхэн харж байна? Хөрөнгө оруулалтын шийдвэрт тань тус болох мэдээллийг бид цаашид хүргэх болно!
Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇
📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.
Холбоо барих утас: 91112677, 86035457, 95780327
📈 ЭДИЙН ЗАСАГ: 🇺🇸 ТРАМП: ЦАГААН ОРДНООС ЯГ ОДОО ГАР! ХЭМЭЭН ХАТУУХАН ШҮҮМЖЛЭЭД АМЖИВ 🇺🇦
Эх сурвалж: REUTERS.com
🇺🇸🇺🇦 Юу ярих вэ гэвэл: ⚠️ АНУ-ын Ерөнхийлөгч Дональд Трамп Украйны Ерөнхийлөгч Зеленскийг Цагаан ордонд хатуу шүүмжлэв – “Чи дэлхийн III дайнаар тоглож байна” 🌍
📅 АНУ-ын Ерөнхийлөгч Дональд Трамп, Украйны Ерөнхийлөгч Владимир Зеленскийг Цагаан ордонд хийсэн уулзалтын үеэр хатуу шүүмжлээд авлаа. Трампын хэлснээр, Зеленскийгийн бодлого болон дайны тактик нь зөвхөн Украйны ирээдүйг бус, дэлхий нийтийн аюулгүй байдал, тэр дундаа Дэлхийн III дайн дэгдэх эрсдэл дагуулж байгаа гэдгийг онцолсон юм.
🗣️ Трампын хатуу үгс:
“Та сая сая хүний амь насыг эрсдэлд оруулж байна. “Чи Дэлхийн III дайнд хүргэх маш ноцтой мөрий тавьж байна.” хэмээн Зеленскийг шүүмжиллээ.
Энэхүү мэдэгдэл нь АНУ-Украйны харилцаанд томоохон хагарал үүсгэж болзошгүй нөхцөл байдлыг харуулсан бөгөөд олон улсын хөрөнгө оруулагчид, улс төрийн ажиглагчдын анхаарлын төвд орсон байна.
📊 Гол Үзүүлэлтүүд ба Олон Улсын Нөлөөлөл:
АНУ-ын Украинд үзүүлэх цэргийн тусламж (2022-2024): 113 тэрбум доллар
Одоогоор олгосон нэмэлт санхүүжилт: 60 тэрбум доллар (2025 оны төсөвт тусгагдсан)
ЕХ-ны Украинд үзүүлсэн нийт тусламж: 84 тэрбум евро
Орос-Украины дайнаас үүдэлтэй дүрвэгчид: 7.5 сая гаруй хүн Европт орогнож байна.
Олон улсын хөрөнгийн зах зээлд үзүүлэх нөлөө: Геополитикийн эрсдэл нэмэгдсэнтэй холбоотойгоор хөрөнгө оруулагчдын эрсдэлийн мэдрэмж өндөр байна.
⛓️💥 Трамп-Зеленскийгийн хурцадмал байдлын гол шалтгаан
АНУ-ын цэргийн тусламжийг бууруулах бодлого 🇺🇸
Ерөнхийлөгч Трамп 2024 оны сонгуулийн кампанит ажлын үеэр “АНУ Украинд хэт их мөнгө зарцуулж байна” гэж мэдэгдсэн.
Түүний хэлснээр, АНУ цаашид Украинд болзолгүй санхүүгийн дэмжлэг үзүүлэхгүй бөгөөд энхийн хэлэлцээрт тулгуурласан бодлого баримтлана гэж мэдэгдсэн.
Европ дахь тогтворгүй байдал 🌍
Трампын шүүмжлэлийн дараа Европын Холбооны удирдлагууд Украинд үзүүлэх санхүүгийн дэмжлэгээ хязгаарлах талаар хэлэлцэж эхэлсэн.
Хэрэв АНУ болон ЕХ зэрэгцэн дэмжлэгээ бууруулбал, Украйны эдийн засаг болон цэргийн чадавхид ноцтой нөлөөлнө гэж шинжээчид дүгнэж байна.
Орос-Украины дайны эдийн засгийн нөлөө 💣
Дайн эхэлснээс хойш Украйны ДНБ 2022 онд -29% багассан бөгөөд 2023 онд хэсэгчилсэн сэргэлт ажиглагдсан ч, 2025 оны төсөөлөл -3% хэвээр байна.
Оросын эсрэг хориг арга хэмжээнүүд дэлхийн эрчим хүчний зах зээлд үнийн хэлбэлзэл үүсгэж, инфляцийн өсөлтөд нөлөөлсөөр байна.
⚠️ Олон улсын зах зээлд үзүүлэх нөлөө:
Хөрөнгө оруулагчдын болгоомжлол нэмэгдэж, АНУ-ын үнэт цаас, эрсдэл багатай хөрөнгийн эрэлт өссөн.
Геополитикийн эрсдэл нэмэгдсэнээр алтны үнэ 2%-иар өсөв.
Украйны нөхцөл байдлаас шалтгаалан тус улсын эрчим хүчний дэд бүтцэд халдлага гарах эрсдэлтэй тул Brent нефтийн үнэ 3 доллароор нэмэгдэв.
АНУ-Украины харилцааны ирээдүй тодорхойгүй байдалд орсон нь дэлхийн санхүүгийн зах зээлд эрсдэл нэмэгдүүлнэ.
Хэрэв АНУ-ын тусламж зогсвол Украины эдийн засгийн сүйрэл бодит эрсдэл болох боломжтой.
Зеленский олон улсын хамтын нийгэмлэгийн дэмжлэгийг хадгалахын тулд дипломат идэвхээ нэмэгдүүлэх шаардлагатай болно.
📢 Та бүхэн энэ асуудалд ямар байр суурьтай байна вэ? Бидэнтэй саналаа хуваалцаарай! 💬
Мөн та бондын мэдээлэл авах бол манай сошиал хуудсанд хандахад л болно. 😊
ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.
БУСАД ТОВЧ МЭДЭЭНҮҮД
🌐 META AI АПП ГАРГАНА: Мета компани 2025 оны 2-р улиралд бие даасан Meta AI апп нэвтрүүлэхээр төлөвлөж байна. Энэхүү апп нь OpenAI-ийн ChatGPT болон Google-ийн (GOOGL) Gemini-тэй өрсөлдөх зорилготой.
💊 Eli Lilly-ИЙН ШИНЭ ҮЙЛДВЭРҮҮД: Eli Lilly (LLY) компани АНУ-д 4 шинэ үйлдвэр байгуулахад 27 тэрбум долларын хөрөнгө оруулалт хийхээ зарлалаа. Ингэснээр тус компанийн АНУ дахь нийт хөрөнгө оруулалт 50 тэрбум долларыг давлаа.
🚀 АСТЕРОЙД ОЛБОРЛОГЧ КОМПАНИ БЭЛЭН: Хувийн сансрын уул уурхайн компани болох AstroForge ойрын хугацаанд SpaceX-ийн пуужингаар Odin хөлгөө хөөргөж, үнэт металлын нөөц бүхий астеройдыг тандан судлахаар төлөвлөж байна.
🤖 ALIBABA-ИЙН AI ХӨРӨНГӨ ОРУУЛАЛТ: Alibaba (BABA) компани ирэх 3 жилийн хугацаанд AI болон үүлэн тооцооллын салбарт нийт 52.4 тэрбум долларын хөрөнгө оруулахаа мэдэгдлээ. Энэ нь тус компанийн сүүлийн 10 жилд хийсэн нийт хөрөнгө оруулалтаас давсан дүн болж байна.
🧐 ТА ҮҮНИЙГ МЭДЭХ ҮҮ? Alibaba компанийн IPO 2014 онд 25 тэрбум доллараар үнэлэгдэж, дэлхийн хамгийн өндөр IPO болж байсан.
📄 Тайланг нь сонжвол: Dr. Pepper-ийн санхүүгийн үзүүлэлт 2024 оны 4-р улирлын орлого 5.2%-иар өсөж, 4.07 тэрбум долларт хүрсэн нь шижээчдийн хүлээлтээс давсан тайлан боллоо. Энэхүү өсөлтийг АНУ дахь ундааны борлуулалт 10.3%-иар нэмэгдсэн үзүүлэлт голлон бүрдүүлжээ. Гэсэн ч тус компани 718 сая долларын хөрөнгийн үнэлгээний бууралт (impairment charge)-аас үүдэн 144 сая долларын алдагдалтай ажилласан байна.🥤
КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️
Эх сурвалж: Investing.com
/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏
Хөрөнгийн зах зээлийн мэдээг 5 минутын дотор
Invest with the art investment platform with 23 profitable exits.
How has the art investing platform Masterworks been able to realize an individual profit for investors with each of its 23 exits to date?
Here’s an example: an exited Banksy was offered to investors at $1.039 million and internally appraised at the same value after acquisition. As Banksy’s market took off, Masterworks received an offer of $1.5 million from a private collector, resulting in 32% net annualized return for investors in the offering.
Every artwork performs differently — but with 3 illustrative sales (that were held for 1+ year), Masterworks investors realized net annualized returns of 17.6%, 17.8%, and 21.5%.
Masterworks takes care of the heavy lifting: from buying the paintings, to storing them, to selling them for you (no art experience required).