- Ard News
- Posts
- Цахим мэдээ 02.17
Цахим мэдээ 02.17
🇷🇺 Трамп, Путин нарын эхний яриа. “Энхийн хэлэлцээрийн эхлэл” 🇺🇸
Шинэ 7 хоногийн мэнд ээ! Өмнө долоо хоногт хөрөнгийн болон эдийн засгийн маш олон үйл явдлууд болж өрнөлөө. ОХУ, АНУ болон БНХАУ болох дэлхийн эдийн засгийн том улс орнуудын хоорондох хэлэлцээрүүдийг бэлтгэлээ.
📰 Өнөөдрийн цахим мэдээгээр бид дараах мэдээг бэлтгэлээ:
🫱🏼🫲🏻 Apple компани Alibaba нар хамтрах боллоо 💸
🇷🇺 Трамп, Путин нарын эхний яриа. “Энхийн хэлэлцээрийн эхлэл” 🇺🇸
Бид танд хөрөнгийн зах зээл болон эдийн засгийн мэдээллийг цогцоор хүргэх болно.🤗
2025 оны 02 сарын 14-ны Баасан гарагийн байдлаар S&P 500 индекс +1.13% , Nasdaq 100 индекс +2.05%-ийн тус тус өсөлттэй байсан бол энэ долоо хоногт биткойн +0.67% , АрдКойн -2.09%-ийн өсөлттэй байлаа.
Монголын Хөрөнгийн Бирж дээр нийт ₮4.3 тэрбумын арилжаа хийгдсэнээс ₮49 сая буюу 1.14%-ийг нь Ардын нээлттэй хувьцаат компаниуд бүрдүүлсэн байна.
📊 ХӨРӨНГИЙН ЗАХ ЗЭЭЛ: 🫱🏼🫲🏻 APPLE КОМПАНИ ALIBABA НАР ХАМТРАХ БОЛЛОО 💸
Эх сурвалж: WSJ.com
🙄 Юу болов: Apple компани Хятадын зах зээлд өөрийн байр суурийг бэхжүүлэх зорилгоор Alibaba-тай хамтран iPhone-д зориулсан AI технологийн интеграцыг эхлүүлэхээр боллоо. Хэдийгээр Apple-ийн ChatGPT ашиглах боломж АНУ болон бусад орнуудад нээлттэй байгаа ч, Хятадын хатуу технологийн зохицуулалтын улмаас тус улсын зах зээлд АНУ-ын AI платформууд ашиглах боломжгүй хэвээр байна.
🇨🇳 Хятадын технологийн хатуу зохицуулалт ба Apple-ийн гаргалгаа: Хятад улс гадаадын технологийн компаниудын өгөгдөл цуглуулах болон хиймэл оюун ухаан хөгжүүлэх үйл ажиллагаанд хатуу хяналт тавьдаг. Энэ нь Apple-ийн AI стратегид томоохон сорилт болж байсан юм. Гэхдээ тус компани Alibaba-тай хамтран ажиллах нь Хятадын дотоодын дүрэм журмыг давах боломж гэж үзэж байна.
📈 Alibaba-ийн хувьцааны өсөлт ба AI салбарын хандлага: Apple-ийн энэхүү шийдвэр нь Alibaba-гийн хувьцаанд эерэг нөлөө үзүүлж, нэг долоо хоногийн дотор 20%-иар өсөхөд хүргэлээ. AI технологийн өрсөлдөөн эрчимжиж байгаа энэ үед Alibaba, Baidu зэрэг Хятадын технологийн аваргууд өөрсдийн AI хөгжүүлэлтэд их хэмжээний хөрөнгө оруулалт хийж буй.
💡 Хөрөнгө оруулагчдад юу чухал вэ?
• Apple-ийн AI стратеги зөвхөн Хятад төдийгүй дэлхийн зах зээлд AI-д чиглэсэн шинэ бизнес загвар бүрдүүлэх эхлэл болж байна.
• Alibaba-гийн AI хөгжүүлэлт болон Apple-тай хамтарсан төслүүд хөрөнгө оруулагчдын анхаарлын төвд орж байна.
• Хятадын технологийн зах зээл улам өрсөлдөөнтэй болж байгаа тул хөрөнгө оруулагчид AI болон ухаалаг гар утасны салбарт анхаарлаа хандуулах нь чухал.
💁🏻♂️ Эцэст нь: Apple-ийн Alibaba-тай байгуулсан түншлэл нь тус компанийн AI стратегийг бэхжүүлэх, мөн Хятадын хатуу технологийн журамд нийцэх зорилготой стратегийн алхам юм. Alibaba-ийн дэмжлэгтэйгээр AI-г Хятадад зарагдах iPhone-д нэвтрүүлснээр Apple нь өөрийн технологийн чадавхийг бэхжүүлж, мөн орон нутгийн хууль дүрэмд нийцэж ажиллах боломжтой болно.
🚀 Apple-ийн AI чиглэлд хийж буй томоохон алхам, Alibaba-гийн өсөлт цаашид хэрхэх вэ? Та энэ талаар ямар бодолтой байна? 💭
Энэ бүх мэдээллийг Даваа гарагийн MARKET INSIGHT: Хөрөнгийн зах зээлд юу болж өрнөв? лайваар мэдээгээр дэлгэрэнгүй хүлээн авч үзнэ үү. 😇
📈 БОНДЫН ТУХАЙ ТОВЧХОН: Бонд нь тогтвортой, таамаглаж болохуйц, тодорхой орлого олох боломжтой байдгаараа эрсдэл багатай хөрөнгө оруулалтад тооцогддог.
Холбоо барих утас: 91112677, 86035457, 95780327
📈 ЭДИЙН ЗАСАГ: 🇷🇺 ТРАМП, ПУТИН НАРЫН ЭХНИЙ ЯРИА. “ЭНХИЙН ХЭЛЭЛЦЭЭРИЙН ЭХЛЭЛ” 🇺🇸
Эх сурвалж: REUTERS.com
🇺🇸🇷🇺 Юу ярих вэ гэвэл: Трамп, Путин нар Украины дайныг зогсоох хэлэлцээр эхлүүллээ. АНУ-ын Ерөнхийлөгч Дональд Трамп болон ОХУ-ын Ерөнхийлөгч Владимир Путин нар Украины дайныг зогсоох зорилгоор шууд хэлэлцээр эхлүүлэхээр тохиролцсон билээ. Үүний зэрэгцээ, АНУ-ын Сангийн сайд Скотт Бессент Украины Ерөнхийлөгч Володимир Зеленскийтэй уулзаж, эдийн засгийн хамтын ажиллагааны талаар хэлэлцээр хийлээ.
📞 Энхийн хэлэлцээрийн эхлэл үү?: 2025 оны 2-р сарын 12-нд Ерөнхийлөгч Трамп, Путин нар утсаар ярьж, Украины дайныг зогсоох хэлэлцээг яаралтай эхлүүлэхээр тохиролцов.
Трамп хэлэхдээ: “Ерөнхийлөгч Путин энх тайван хүсэж байна, Ерөнхийлөгч Зеленский энх тайван хүсэж байна, би ч мөн энх тайван хүсэж байна”
Трамп мөн Саудын Арабт Путинтэй уулзахаар төлөвлөж буйгаа мэдэгдсэн бөгөөд энэ уулзалт нь энхийн хэлэлцээг урагшлуулах чухал алхам болох юм.
🤝 Бессент, Зеленский нарын уулзалт: Эдийн засгийн хамтын ажиллагааны хүрээнд Ерөнхийлөгч Трампын мэдэгдлийн дараа, Сангийн сайд Скотт Бессент Киевт айлчилж, Ерөнхийлөгч Зеленскийтэй уулзав. Уулзалтын үеэр Бессент Украины ашигт малтмалын нөөцийн 50%-ийг АНУ-д шилжүүлэх саналыг танилцуулсан байна. Гэвч Зеленский уг саналыг хүлээн зөвшөөрөхөөс татгалзаж, илүү өргөн хүрээний аюулгүй байдлын баталгаа шаардсан байна.
🌍 Европын холбоотнуудын санаа зовнил: АНУ болон ОХУ-ын хоорондын шууд хэлэлцээ нь Европын холбоотнуудын дунд санаа зовнил төрүүлж байна. Европын удирдагчид Украины оролцоогүйгээр хийгдэж буй хэлэлцээ нь тогтвортой энх тайвныг хангаж чадахгүй гэж үзэж байна. Франц, Герман, Их Британи зэрэг улсууд хамтарсан мэдэгдэл гаргаж, “Украин болон Европ ямар ч хэлэлцээнд оролцох ёстой” гэж онцолсон.
📈 Эдийн засгийн нөлөө: Эдгээр үйл явдлууд нь дэлхийн эдийн засагт тодорхой нөлөө үзүүлж байна. Тухайлбал, энхийн хэлэлцээний мэдээний дараа Москвын хөрөнгийн биржийн MOEX индекс 6%-иар өсөж, 3,210 нэгжид хүрсэн байна.
🙄 Эцэст нь байна аа: АНУ, ОХУ-ын удирдагчид Украины дайныг зогсоох хэлэлцээг эхлүүлж байгаа нь дэлхийн анхаарлын төвд байна. Гэсэн хэдий ч, Украины оролцоо болон Европын холбоотнуудын санаа зовнил нь энхийн үйл явцад чухал үүрэг гүйцэтгэх болно. Цаашдын үйл явдлыг анхааралтай ажиглах шаардлагатай байна.
Мөн та бондын мэдээлэл авах бол манай сошиал хуудсанд хандахад л болно. 😊
ДЭЛГЭРЭНГҮЙ МЭДЭЭЛЛИЙГ ДАВАА ГАРАГИЙН 17:00 ЦАГААС АВНА УУ.
БУСАД ТОВЧ МЭДЭЭНҮҮД
🗣️ Meta ажилчдаа цомхотгов: Meta нийт ажилтнуудынхаа 5%-ийг буюу ойролцоогоор 4,000 ажлын байрыг цомхотгож байна. Компани хиймэл оюун ухааны (AI) хөрөнгө оруулалт болон үйл ажиллагааны үр ашигт анхаарч байна.
📈 Аймшигтай өсөлттэй хувьцаанууд: Palantir (PLTR) 2024 оны ашиг өсөлт нь 75%-д хүрсэн тухай тайлагнасны дараа нэгхэн долоо хоногийн дотор 34%-иар өсөв. Харин уламжлалт батлан хамгаалахын компаниуд болох Lockheed Martin (LMT) болон Northrop Grumman (NOC)-ийн хувьцаанууд уналттай байна.
🇨🇳 Хятадын инфляц: Хятадын хэрэглээний инфляц нэгдүгээр сард 0.5%-иар өссөн нь сүүлийн 5 сарын хамгийн өндөр өсөлт байлаа.
🧠 Мөнгө хаашаа чиглэв? AI давамгайлав: AI стартапууд 2024 онд 110 тэрбум долларын хөрөнгө оруулалт татсан нь өмнөх оноос 62%-иар өссөн үзүүлэлт байлаа. Харин нийт технологийн санхүүжилт 12%-иар буурч, 227 тэрбум доллар болсон нь AI-гийн хөрөнгө оруулалтын зах зээлд эзлэх ноёрхлыг тодотгож байна даа.
🧐 ТА ҮҮНИЙГ МЭДЭХ ҮҮ? Tesla 2020 онд S&P 500 индексэд нэгдэхэд түүхэн дэх хамгийн их үнэлгээтэй компаниудын нэг болж, хувьцааны үнэ нь 700%-иар өссөн.
📄 Тайланг нь сонжвол: Coca-Cola-ийн орлого 6%-иар өсөж, 11.5 тэрбум доллар, нэгж хувьцаанд ногдох ашиг (EPS) 0.55 доллар болжээ. Органик орлогын өсөлт 14% байсан бөгөөд нэгжийн хэмжээ 2%-иар нэмэгдсэн нь өнгөрсөн улирлын бууралттай харьцуулахад эерэг өөрчлөлт юм. Үнэ нэмэгдэх нь гол үзүүлэлт байсан ба өсөлт 9% байлаа. Coca-Cola Zero болон Fairlife сүү нь компанийн гол бүтээгдэхүүнээс гадна төрөлжсөн байдлыг харуулсан амжилттай бүтээгдэхүүнүүд болжээ.
КОМПАНИУДЫН САНХҮҮГИЙН ТАЙЛАНГИЙН ХУАНЛИ 🗓️
Эх сурвалж: Investing.com
/ТА ДООРХ ЛИНКИЙГ БУСАДТАЙ ХУВААЛЦАЖ ARD NEWS-ИЙГ ТАНИГДАХАД ТУСАЛНА УУ🙏
Хөрөнгийн зах зээлийн мэдээг 5 минутын дотор
Fall in love with BILL. Get a $200 gift card.
We love our customers—and the feeling is mutual! Take a demo of BILL Spend & Expense and get a $200 gift card to one of our amazing customers- Saranoni Blanekts, Rhone Apparel, or BrüMate.1